zeuas
Brezhoneg
Etimologiezh
Furm verb
| Kemmadur | Furm |
| hep | deuas |
| dre vlotaat | zeuas |
| amreizh | teuas |
zeuas /ˈzøːas/
- War-lerc'h ar rannig-verb a, da skouer :
- En abardaevez-ze, tonton Tomaz ar Gervini, a zeuas da zigas d'eomp d'ar gear eur c'harradig avalou-douar a oamp bet o tenna du-hont, e Kervarzek, en eun dachenn feurmet evit an eostvez patatez. — (Ivon Krog, Eur Zac'had Marvailhou, Buhez Breiz, Kemper, 1924, p. 204.)
- Job ha Lom a zeuas e ti ar skluzier, unan o kanañ hag an hini all o tiskanañ. — (Jakez Riou, An Ti Satanazet, Skridoù Breizh, 1944, p. 13.)
- C'hoant a zeuas da Rivanon diskenn betek goueled an draonienn evit selaou mouskan ar wazhig [...]. — (Jakez Riou, Geotenn ar Werc'hez ha danevelloù all, Al Liamm, 1957, p. 64.)
- Hogen ur bilhed fall a zeuas gantañ hag e rankas mont d'an arme. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 8.)
- Gwez a zo a zeuas da zizeriañ : meleniñ a rae o delioù. Kaer am boa o louzaouiñ, lakaat ludu a bep seurt war o gwrizioù, e teuent, goustadik, da dreutaat, da weñviñ. — (Pêr Denez, Glas evel daoulagad c'hlas na oant ket ma re, Al Liamm, 1979, p. 99.)
- Jezuz a zeuas d'ar gêr, hag adarre eun engroez tud war e dro, ken ne hellent ket debri eun tamm bara zokén. — (Aviel Sant-Mark 3-20, troet gant Kenvreuriez ar brezoneg, 1982.)
- Un nozvezh e voe klevet un drouz digustum e porzh Rospidou. Un den ranell a zeuas da sellout. — (Erwan Berthou, En bro Dreger a-dreuz parkoù, Mouladurioù Hor Yezh, 1985, p. 66.)
- An tasmant, avat, pa welas e chomemp diseblant, a zeuas tostoc'h c'hoazh ouzhomp hag a hirvoudas truezusoc'h eget biskoazh. — (Abeozen, Pirc'hirin Kala-Goañv, Al Liamm, eil emb. 1986, p. 132.)
- Ur bern traoù iskis ha glac'harus evel 'ouzoc'h, a zeuas war spered an hini gozh, hag hi da fatikañ. — (Ernest ar Barzhig, Minna ha danevelloù all..., Mouladurioù Hor Yezh, 1988, p. 97.)
- Ar c'hi bihan a zeuas er gegin ha goude bezañ graet ul lipadenn da zorn an enseller hag ur fistoulennig gant e lost ouzh e c'har ez eas da buchañ e-harz troad e vestr. — (Goulc'han Kervella, Brezel ar Rigadell, Al Liamm, 1994, p. 158.)
- Met ar gwenan a zeuas war e dro hag en em lakaas da nijal ha da fraoñval en-dro d'e benn. — (Marsel Klerg, Faltazi an amzerioù kent, Mouladurioù Hor Yezh, 1999, p. 168.)
- Setu hor soudard o vale endra ma c'hell padout an hent dindan e dreid, ken na zeuas an noz warnañ. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 132.)
- [...], bet taget gant an droug-skevent kent na zeuas a-benn da beurziskouez e dalvoudegezh. — (Jarl Priel, Va Zammig Buhez, Al Liamm, 1954, p. 60.)
- War-lerc'h ar rannig-verb nac'h ne, da skouer :
- Ar pesked avat, eno evel en traoñ, a oa leun o c'hof, hag hini ebet anezho, d'ar mare-se eus an deiz, ne zeuas da bismigañ higenn ar pesketaer. — (Jakez Riou, An Ti Satanazet, Skridoù Breizh, 1944, p. 12.)
- Deiz va fask kentañ, soñj am eus, kanfard ebet nemedon ne zeuas d'an iliz gant ur jiletenn wenn ha gant ur vrec'henn seiz ouzh e vrec'h dehou. — (Jarl Priel, Va Zammig Buhez, Al Liamm, 1954, p. 27.)
- [...], ne zeuas ar c'housked dezhañ nemet d'ar mintin abred, pa voe poent sevel. — (Youenn Drezen, Sizhun ar Breur Arturo, Al Liamm, 1971, p. 15.)
- « Ucheikon ! Jezuz ! » eme Goup. Ne zeuas nemet se ganti. — (Jakez Konan, Lannevern e kañv ha danevelloù all, Al Liamm, 1980, p. 19.)
- War-lerc'h ar stagell isurzhiañ pa, da skouer :
- Pa zeuas, avat, ar mez da vankout e rankas mont en noz da redek an douaroù dindan boued-chatal pe louzoù-kegin evit gellout terriñ e naon. — (ABEOZEN, Marvailhoù Loened, Skridoù Breizh, Brest, eil emb. 1943, p. 61.)
- Hogen pa zeuas ar c'hazh d'ar razh e weljomp un ti a vent vat [...]. — (Jarl Priel, Amañ hag Ahont, Al Liamm, 1957, p. 221.)
- Kimiadiñ a reas diouzh ar vestrez, hag edo o vont da lavarout kenavo d' ar verc'h pa zeuas soñj dezhañ e oa ar bennhêrez bouzar ha mut. — (Jakez Riou, Geotenn ar Werc'hez ha danevelloù all, Al Liamm, 1957, p. 69.)
- SPONTUS e voe kounnar an Enebour, pa zeuas Hor Salver betek dor an Ifern, da gerc'hat Adam hag Eva, evit o c'has d'ar Baradoz, war un dro gant ar re eus o gourvibion a c'hortoze eno E zonedigezh. — (Langleiz, Romant ar Roue Arzhur/levrenn I : Marzhin, Al Liamm, 1975, p. 15.)
- Pa zeuas lezennoù Combes kozh da lakaat disparti etre an Iliz hag ar Stad, e voe reuz e Breizh kerkent ha ma voe anv d'ober iñvantor en ilizoù. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 246.)
- Ul Lun abardaez, pa zeuas Per d' an ti d' ober un ehan e oa skuishoc'h ha prederietoc'h eget boaz. — (Abeozen, Pirc'hirin Kala-Goañv, Al Liamm, eil emb. 1986, p. 138.)