gwenan

Brezhoneg

Ur wenanenn o vleuniaoua.

Etimologiezh

Furm vihanaat savet diwar an anv-kadarn gwan « flemm » en henvrezhoneg ; gwelout gwanañ.

Kavet en henvrezhoneg.

Meneget er C'hatolikon (guenanenn).

Da geñveriañ gant ar gerioù gwenyn e kembraeg hag e kerneveureg.

Anv-kadarn

gwenan /ˈɡwẽː.nãn/ strollder (unanderenn gwenanenn)

1. (Loenoniezh) : Amprevaned (Apis mellifera), gell-du ha blevek o c'horf, ur flemm benimus gant ar parezed anezho. Bevañ a ra ar gwenan e ruskennoù ma vez fardet ar mel ganto.
   • Ar c’holoennad wenan a oa bec’h un den enni. — (Jules Gros, Le trésor du breton parlé Deuxième Partie, 1970, p. 38.)
   • Met ar gwenan a zeuas war e dro hag en em lakaas da nijal ha da fraoñval en-dro d'e benn. — (Marsel Klerg, Faltazi an amzerioù kent, Mouladurioù Hor Yezh, 1999, p. 168.)

Deveradoù

• gwenanal
• gwenaneg

• gwenaner
• gwenanerezh

Gerioù kevrennek

• gwenan labourerez
• mamm-wenan

Troidigezhioù

• alamaneg : Biene ^(de)
• esperanteg : abelo ^(eo)
• galleg : abeilles ^(fr)
• italianeg : api ^(it)

• kembraeg : gwenyn ^(cy)
• kerneveureg : gwenyn ^(kw)
• sañskriteg : मधुकर ^(sa) (madhukara), मधुप ^(sa) (madhupa),
• saozneg : bee ^(en)
• spagnoleg : abejas ^(es)  benel

Gwelet ivez

• Ar pennad « gwenan » e-barzh Wikipedia