Stagadenn:Gerioù taolmouezhiet war ar silabenn diwezhañ

Brezhoneg

Gerioù taolmouezhiet war ar silabenn diwezhañ

Un toullad gerioù zo taolmouezhiet war ar silabenn diwezhañ:

1. Ar gerioù goulennata pegeit, pegoulz, pelec’h, penaos, perak, pere, peseurt, petra (war ar silabenn gentañ e lec'hioù zo).
2. Gerioù kevrennek, gant an hini diwezhañ unsilabennek:
   • anvioù: fest-noz, tad-kozh, taol-mouezh, ti-forn, ti-skol ...
   • adverboù: a-vern, a-walc'h, e-berr, war-dro, war-raok,
   • araogennoù : a-raok, da-gaout, e-barzh, war-dro
3. Gerioù divgevrennek, gant an hini diwezhañ unsilabennek, hogen skrivet evel ur ger hepken:
   • adverboù : abred, afo, antronoz, atav, avat, bepred, dalc'hmat, diouzhtu, ebet, emberr, fenoz, feteiz, gwechall, hepken, kenañ, kenkent, kenkoulz, kreisnoz, kreisteiz, ouzhpenn, raktal, trawalc'h, zoken
     • deizioù ar sizhun : disul, dilun, dimeurzh, diriaou (nemet tri : dimerc'her, digwener, disadorn )
     • savet diwar "ne-": neblec'h, nemeur, nepell (met nebeut zo taolmouezhiet reizh, war an eil diwezhañ)
   • araogennoù : davet, davit, dindan, dirak, eget, eme, evel, evit, nemet ...
   • demat, pemoc'h, ... ,
4. Gerioù teirc'hevrennek skrivet evel ur ger hepken:
   • diabarzh, diabell, diadreñv, diagent, diaraog,
   • kenavo, peogwir ...
5. Gerioù kollet ganto o silabenn diwezhañ : ac'hann, amann, ...
6. Anvioù-kadarn: itron, skolaer.
7. Gerioù all: *bennak, emañ,
   • furmoù kentañ hag eil gour (unan ha lies) an araogennoù gant (ha digant), hag ouzh (ha diouzh): ganin, ganit, ganimp, ganeoc'h, ouzhin, ouzhit, ouzhimp, ouzhoc'h.
8. Darn eus ar gerioù-se a c'hall bezañ taolmouezhiet war an eil silabenn diwezhañ e toleadoù bihan zo : abred, atav, bepred, petra.

En anvioù divoutin

Heñvel eo en anvioù divoutin.

1. An anvioù-lec'h divsilabennek savet gant Ker, Lan, Lok, Maez, Penn, Plou, Pont, Roc'h, Roz, Run, Ti, Tre, ... evel
   • Kerbaol, Kergozh, Kergrist
   • Lamber, Lanveur
   • Lokarn, Lokorn, Lokrist
   • Maezmeur, Maezkêr
   • Pennlann, Pennroz
   • Pleuveur, Ploulec'h, Plouber
   • Pontre
   • Roc'h-Ruz, Roc'h-Toull
   • Rozdu
   • Runfav
   • Tigwenn
   • Trebaol, Treboull, Tredraezh, Tregrom
2. Anvioù-lec'h teirsilabennek savet gant Chapel, Iliz, Karreg, Kastell, Menez, ... evel
   • Chapel-Yann, Iliz-kaer, Kastell-lin, Kastell-Paol, Kastell-Pig, Menez-Bre
   • anvioù-lec'h: Sant-Kae, Sant-Yann.