kenavo

Brezhoneg

Etimologiezh

Savet diwar ken, na, ha bo (eus ar verb bezañ).

Estlammadell

kenavo /kẽnaˈvoː/

1. Ger saludiñ, a vez lavaret pa vezer o vonet kuit, pe d'an dud a ya kuit.
   • Kenavo, mont a ran d'ar baradoz! BUAS 640
   • - En tu-ma eus ar c'hastell ne ve nemet an diavezourien. N'eus breman nemet eun all ha c'houi. Kenavo ha nozvez vad ! — (Erwan ar Moal, Pipi Gonto, Kemper, 1925, p. 13.)
   • — « ... Rak, ma 'z a tud da welout anezhi, neuze e teuio tud da ziwall anezhi, e-pad an noz, ha kenavo an heritaj ! » — (Jakez Riou, An Ti Satanazet, Skridoù Breizh, 1944, p. 78.)
2. a-wechoù gant dit pe deoc'h
   • Kenavo d'eoch ar c'henta gwelet. — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 70.)
   • Patern. — Na pebez kelou all! Kenavo d'eoc'h ! — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 28.)
3. a-wechoù gant ar verb lavarout

Troiennoù all

• kenavezo
  • kenavezo deoc'h
  • kenavezo ar c'hentañ
• kenavo ar c'hentañ
• kenavo dit
• kenavo deoc'h
• kenavo emberr
• kenavo evit an deizioù
• kenavo ur wech all
• ken arc'hoazh

Troidigezhioù

• galleg : au revoir ^(fr)