a-raok

Brezhoneg

Etimologiezh

Diwar a ha raok, deuet dre ziftongennadur diwar rak^[1].

Araogenn

Gour	Furm
U1	em raok
U2	ez raok
U3g	en e raok
U3b	en he raok
L1	en hor raok
L2	en ho raok
L3	en o raok
D	er raok

Gour	Furm
U1	araozon
U2	araozout
U3g	araozañ
U3b	araozi
L1	araozomp
L2	araozoc'h
L3	araozo
D	araozor

a-raok /aˈrɔːk/ pe /aˈrawk/

dirak un anv-kadarn pe ur raganv
- [...], an hini en doa ar muiañ a hent da ober a zegouezhas er gêr pell a-raok d'ar re all. — (Fañch an Uhel, Kontadennoù ar Bobl/3, Al Liamm, 1988, p. 168.)
- a-raok ar pardaez. — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 92.)
dirak un anv-verb
- — « Ret eo dit debriñ un tamm bennak a-raok mont, » eme e vamm. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 38.)
- Lavaret e vez n'eo ket mat lezel an dour da heoliañ a-raok reiñ anezhañ d'al loened. — (Jules Gros, Le trésor du breton parlé Deuxième Partie, 1970, p. 216.)
a-raok dezhañ, a-raok dezhi...

Divinadelloù

Petra a rez a-raok antren en ti ? - Tostaat dezhañ. — (Jules Gros, Le trésor du breton parlé Troisième Partie, 1974, p. 329.)

Adverb

a-raok /a.ˈroːk/ pe /aˈrawk/

Adverb lec'hiañ.
- Gwech a-raok, gwech a-dreñv. — (Ivon Krog, Eur Zac'had Marvailhou, Buhez Breiz, Kemper, 1924, p. 9.)
Adverb amzeriañ.
- Un tamm a-raok, ur pennadig a-raok, pell a-raok.
Dont a-raok (tud, mor)
- Deus a-raok. — (Jules Gros, Le trésor du breton parlé Troisième Partie, 1974, p. 40.)
- Setu e oamp deuet a-raok hep bezañ achuet hon devezh. — (TBP?, p. ?.)
- Deuet on a-raok da gaout peoc’h. (dont kuit) — (Jules Gros, Le trésor du breton parlé Deuxième Partie, 1970, p. 409.)
- Ar mor a zo o tond a-raog. — (Jules Gros, Le trésor du breton parlé Deuxième Partie, 1970, p. 367.)
- Pa vez ar mor o tont a-raok. — (TBP?, p. ?.)
Dougen a-raok : bezañ dougerez.
- Ar merser a zoug war e chouk, Fanchonig a zougo a-raok. — (Fañch an Uhel, Soniou Breiz-Izel 2, Pariz, 1891, 1971, p. 230.)
Kas ub a-raok : e gas kuit.
- Hag e kasas ar paotr a-raok. — (Fañch an Uhel, Kontadennoù ar Bobl/3, Al Liamm, 1988, p. 36.)
- Me a gaso ahanoh a-rôg ! — (Jules Gros, Le trésor du breton parlé Première Partie, 1966, p. 108.)
Kerzhout a-raok
- Kerz a-rôg ! — (Jules Gros, Le trésor du breton parlé Première Partie, 1966, p. 108.)
Leuskel a-raok : digeriñ an hent, mont er penn a-raok...
Mont a-raok:
1. mont kuit
  - Gourc’hemenn a reas d’ar re n’o doa ket a fuzuilhoù mont buan a-raok. — (Lan Inizan, Emgann Kergidu 1, Brest, 1877, eil emb. Al Liamm 1977, p. 201.)
  - Eet e oa a-raog evel eur haz gleb. — (Jules Gros, Le trésor du breton parlé Deuxième Partie, 1970, p. 244.)
  - A-greiz diaoulat e oa aet a-raok. — (Jules Gros, Le trésor du breton parlé Deuxième Partie, 1970, p. 101.)
  - Laoskit anezhi da vont a-raok. — (Jules Gros, Le trésor du breton parlé Deuxième Partie, 1970, p. 316.)
  - Kerzh a-raok ! — (Jules Gros, Le trésor du breton parlé Deuxième Partie, 1970, p. 361.)
  - Ec’h an a-raok. — (Jules Gros, Le trésor du breton parlé Deuxième Partie, 1970, p. 361.)
  - Deomp a-raok ! — (Jules Gros, Le trésor du breton parlé Deuxième Partie, 1970, p. 361.)
  - Poent bras e oa dezhañ mont a-raok. — (Jules Gros, Le trésor du breton parlé Deuxième Partie, 1970, p. 424.)
  - Petra hon doa graet nemet mont a-raok. — (Jules Gros, Le trésor du breton parlé Troisième Partie, 1974, p. 136.)
2. Mervel.
3. mont dirak ub.
  - Kerzh a-raok ! — (Jules Gros, Le trésor du breton parlé Deuxième Partie, 1970, p. 361.)
  - An dud a oa aet a-raok a oa aet livet fall. — (Jules Gros, Le trésor du breton parlé Deuxième Partie, 1970, p. 362.)
  - Ar pôtr a ya a-rôg abalamour d'e dok. — (Jules Gros, Le trésor du breton parlé Première Partie, 1966, p. 77.)
  - Ar pôtr a ya a-rôg da gentañ abalamour d'e dok. — (Jules Gros, Le trésor du breton parlé Première Partie, 1966, p. 85.)
4. mont en-dro.
  - An horolaj-se n’a ket a-raok ken.
5. mont war-raok, derc’hel da vont, da vevañ.
  - Me n'on bet nemed paour biskoaz ha memez tra ez an a-rôg. — (Jules Gros, Le trésor du breton parlé Première Partie, 1966, p. 108.)
  - Paour on ha memes tra ec’h an a-raok. — (Jules Gros, Le trésor du breton parlé Deuxième Partie, 1970, p. 361.)
Mont war a-raok, gwelout « war », « war a-raok ».
1. Mont war-raok, mont end-dro.
  - E Koatredrez n'a ket ar vapeur war a-rôg. — (Jules Gros, Le trésor du breton parlé Première Partie, 1966, p. 108.)
  - Pa’n dije graet ur gammed war a-raok e rae div war a-dreñv. — (Jules Gros, Le trésor du breton parlé Deuxième Partie, 1970, p. 230.)
  - N'a tamm ebed war a-rôg. — (Jules Gros, Le trésor du breton parlé Première Partie, 1966, p. 108.)
  - N'a tamm ebed war a-raog. — (Jules Gros, Le trésor du breton parlé Deuxième Partie, 1970, p. 362.)
  - — Deomp war a-raok ! — (Troude ha Milin, Labous ar Wirionez ha Marvailhoù all, Skridoù Breizh, 1950, p. ?.)
2. Keraat.
  - Eet eo an amann war a-rôg. — (Jules Gros, Le trésor du breton parlé Première Partie, 1966, p. 108.)
Adverb stagenn : a zo a-raok.
- Ur beg a-raok.
- Komz, lavarout, gant e veg a-raok.
- An deiz a-raok.
- Ro un taol foet d'ar gazeg a-raok. — (Jules Gros, Le trésor du breton parlé Deuxième Partie, 1970, p. 164.)
- Ar penn a-dreñv hag ar penn a-raok.
- An tu a-raok.