da-gaout

Brezhoneg

Etimologiezh

Diwar « da » ha « kaout ».

Gour	Furm
U1	d'am c'haout
U2	d'az kaout
U3g	d'e gaout
U3b	d'he c'haout
L1	d'hor c'haout d'hon c'haout
L2	d'ho kaout
L3	d'o c'haout
D

Araogenn

da-gaout /daˈɡɔwt/, /daˈɡawt/, /daˈɡa:t/

1. Etrezek, war-du.
   • da-gaout du-mañ' : war-du ma zi
   • da-gaout du-se' : war-du da di
2. Mont, dont, kas (un dra, un den) da-gaout ul lec'h bennak
   • Erwanig a savas kerkent eus a stern an daol evit dont da-gaout an nor, e gi bihan war e lerc'h, en ur lammet hag en ur fichañ e lost evel pa ne vije graet sachadenn ebet war e skouarn. — (Lan Inizan, Emgann Kergidu 1, Brest, 1877, eil emb. Al Liamm 1977, p. 112.)
   • Ha Yannig [...] ha mont da gaout ar poull-kannañ. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 69.)
3. Dont, mont, kas (un dra, un den)da-gaout unan bennak
   • Deuit d'am c'haout.
   • Her c'has gant un tenn fuzuilh pe zaou da gaout e roue ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 132.)
   • [...] deuet oc'h 'ta d'am c'haout, roue ; [...] — (Troude ha Milin, Labous ar Wirionez ha Marvailhoù all, Skridoù Breizh, 1950, p. 165.)
   • Kerzh da gaout ar maer. — (Jules Gros, Le trésor du breton parlé Deuxième Partie, 1970, p. 235.)
4. Treiñ da-gaout unan bennak
   • Hag o treiñ da-gaout e vab : [...]. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 307.)
5. Gervel un den d'e-gaout
   • Pa welas n'en doa mui da zale dre ama, e c'halvas e vugale d'e gaout. — (G. MILIN, Gwechall-goz e oa..., Kemper, 1924, p. 3.)
6. sellout da-gaout tra pe dra
   • An hini goz a zalhe da zelled d'am haoud. — (Jules Gros, Le trésor du breton parlé Première Partie, 1966, p. 116.)

Troidigezhioù

• galleg (aller) trouver; dans la direction de, vers ^(fr)

Gwelet ivez

• Araogennoù brezhonek, stag