etrezek

Brezhoneg

Etimologiezh

Eus ar c'hrennvrezhoneg entresea hag entresec, dezho ar memes ster, diwar *en-tres (a glot gant al latin en-trans), « en-treuz », hag al lostger -ek a dalvez da sevel adverboù. Gwelet etre evit korf ar ger, ha betek, adalek evit al lostger.^[1]

Araogenn

Gour	Furm
U1	etrezek ennon
U2	etrezek ennout
U3g	etrezek ennañ
U3b	etrezek enni
L1	etrezek ennomp
L2	etrezek ennoc'h
L3	etrezek enno
D	etrezek ennor

etrezek /e.ˈtreː.zek/

Mont, dont, sevel, diskenn, etrezek ul lec'h bennak
- Hag etrezek va bro, nijal di a garfen...^[3]
- Pront en he fuzul eo kroget,
  Etrezeg ar c'hoad ez eo et. — (Fañch an Uhel, Gwerziou Breiz-Izel 1, An Oriant, 1868, p. 18.)
- ‘Welfet mui a sklerijenn da vont etrezek ar gêr, SBI 2/124
- Dont a eure war-eeun etrezek ar wezenn, — (Fañch an Uhel, Kontadennoù ar Bobl/1, Al Liamm, 1984, p. 16.)
- Hep gouzout etrezek pelec’h mont, — (Fañch an Uhel, Kontadennoù ar Bobl/1, Al Liamm, 1984, p. 55.)
- Eomp doc’htu etrezek ar c’hastell, — (Fañch an Uhel, Kontadennoù ar Bobl/1, Al Liamm, 1984, p. 57.)
- Finettig ha Charlez a dalc’has da vont etrezek Pariz, — (Fañch an Uhel, Kontadennoù ar Bobl/1, Al Liamm, 1984, p. 86.)
- Hag e redas Teodor etrezek palez ar roue ... , — (Fañch an Uhel, Kontadennoù ar Bobl/1, Al Liamm, 1984, p. 111.)
- Eomp etrezek ar sklerijenn, — (Fañch an Uhel, Kontadennoù ar Bobl/1, Al Liamm, 1984, p. 114.)
- Ha paotr Breiz en hent etrezek ar gear. — (G. MILIN, Gwechall-goz e oa..., Kemper, 1924, p. 12.)
- Hag i dioc'htu etrezek al lestr. — (G. MILIN, Gwechall-goz e oa..., Kemper, 1924, p. 55.)
- Alo, deom bremañ etrezeg ar gêr. — (Jules Gros, Le trésor du breton parlé Première Partie, 1966, p. 170.)
- Pa oant o vond etrezeg Plistin eh arruas ar person ganto. — (Jules Gros, Le trésor du breton parlé Première Partie, 1966, p. 170.)
- Ma 'z-pije gwelet hennez oh arad etrezeg Lokemo ! — (Jules Gros, Le trésor du breton parlé Deuxième Partie, 1970, p. 24.)
(ral) etrezek Doue, etrezek un den:
- Tra ma savo da Bedenn etrezek Mestr ar Bedoù^[2]