war e lerc'h

Brezhoneg

Etimologiezh

Diwar an araogenn war, an anv-gwan perc'hennañ e hag an anv-kadarn lerc'h.

Furm araogenn

war e lerc'h /wareˈlɛrx/

1. Furm an araogenn war-lerc'h, displeget en trede gour unan gourel:

   Bezañ, mont, dont, redek, ober ur sell, war e lerc'h:

   • Ar marc'h, spontet, a em laka da redek eus an eil penn da egile ar park, 'vel pa vije an Diaoul war e lerc'h. — (Fañch an Uhel, Kontadennoù ar Bobl/3, Al Liamm, 1988, p. 203.)
   • Erwanig a savas kerkent eus a stern an daol evit dont da-gaout an nor, e gi bihan war e lerc'h, en ur lammet hag en ur fichañ e lost evel pa ne vije graet sachadenn ebet war e skouarn. — (Lan Inizan, Emgann Kergidu 1, Brest, 1877, eil emb. Al Liamm 1977, p. 112.)
   • Per ne grede ket kaer monet eno war e lerc'h, hag e oa o sellet en-dro d'ean, pa deuas egile er-mêz hag e lâras d'ean : [...]. — (Erwan ar Moal, Pipi Gonto, Kemper, 1925, p. 51.)
   • Herri a yeas war e lerc'h, o sonjal penôs korf ar mevel na oa ken, hep mar, en kampr ar Milouriou — (Erwan ar Moal, Pipi Gonto, Kemper, 1925, p. 23.)
   • Ar paotrig war e lerc'h. — (G. MILIN, Gwechall-goz e oa..., Kemper, 1924, p. 25.)
   • [...], ha n'ouzon ket kaer penaos e viris ouzhin da redek war e lerc'h en ur grial : « Ac'hañ 'ta geo, mont a rin da Sant-Brieg, met en anv Doue paouezit da ouelañ ! » — (Jarl Priel, Va Zammig Buhez, Al Liamm, 1954, p. 67.)
   • Ha bec'h d'al loen gouez, ha d'ar red war e lerc'h ken a findaone ! — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 23.)
   • "[...]. Ho hini ne dalc'ho 'n e hent ken ne santo ken ac'hanon nag a-raok dezhañ na war e lerc'h." — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 10.)
   • Ur sell a reas war e lerc'h. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 100.)
2. A verk an amzer: goude e gimiad, e voned-kuit, , goude e varv:
   • N'eus ket chomet ur penn-yar bev war e lerc'h, el leur nag er porzh. — (Tad Medar, An Tri Aotrou, 1981, p. 111.)
   • ... o klask gouzout piv a vije roue war e lerc'h. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 156.)

Troidigezhioù

• galleg : après lui ^(fr) , derrière lui ^(fr)