antronoz

Brezhoneg

Etimologiezh

Eus an ha tronoz .

Adverb

antronoz /ˌãntrɔ̃ˈnoːs/

1. E-kerzh an deiz, d'an deiz zo diouzhtu goude an hini a vez graet anv anezhañ.
   • En dez-all, eur jardiner en doa dibabet eur rozen eus ar re gaera evit he c'hinnig d'he dad a voa he C'houel antronoz. — (Goulven Morvan, Feiz ha Breiz niv. 79, 1866, p. 210b.)
   • Antronoz ne labouras ket kement. — (Roparz Hemon, Ho kervel a rin en noz ha marvailhoù all, Al Liamm, 1970, p. 22.)
   • Antronoz, e tigoras ar reier dindan ar gêr vras, hag en he lec'h e teuas d'en em astenn al Lenn a weler hiziv c'hoazh. — (Roparz Hemon, Mari Vorgan, Al Liamm, eil emb. 1975, p. 84.)
   • E galon a rannas, me 'gred, rak antronoz e rentas e ene d'e Grouer, ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 16.)
   • Antronoz e kuitae ar barrez, brudet ha mezhek. — (Jakez Konan, Lannevern e kañv ha danevelloù all, Al Liamm, 1980, p. 29.)
   • Hogen, antronoz, ez eas ar grennardez da gavout he zad-kofesour da anzav dezhañ ar soñjoù ma oa bet trubuilhet ganto. — (Langleiz, Romant ar Roue Arzhur/levrenn I : Marzhin, Al Liamm, 1975, p. 18.)
   • Antronoz, kenta a eure a voe goulenn ouz paotr Breiz : ... — (G. MILIN, Gwechall-goz e oa..., Kemper, 1924, p. 9.)
   • Antronoz, d'ar mare eus an abardaez ma vez kerc'het ar saout d'ar gêr, Yun a ziskennas d'an draonienn. — (Jakez Riou, Geotenn ar Werc'hez ha danevelloù all, Al Liamm, 1957, p. 40.)
   • Antronos-beure, pa c'houlaouaz an deiz, [...] — (B. N. Keo an eled ha Gwillou goz, Le Courrier du Finistère, 01/02/1902, p. 3b.)
   • Hag antronoz, p'edo he mab o vont en hent, hi dezhañ ... — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 182.)

Gerioù heñvelster

• en deiz war-lerc'h

Troioù-lavar

• antronoz beure, antronoz veure
• antronoz vintin
• bep eil antronoz

Krennlavaroù

• Pa zav al loar abarz ann noz,

Had ar panez antronoz. — (Revue Celtique, tome III, 1876-1878, p. 68.)

• Gwalarn kalmet diouz ann noz,

Su pe gevret antronoz. — (Revue Celtique, tome III, 1876-1878, p. 74.)

• Ruijenn deuz ann noz,

Glao antronoz. — (Revue Celtique, tome III, 1876-1878, p. 76.)

• Kelc'h loar dioc'h ann noz,

Glao pe avel antronoz. — (Revue Celtique, tome III, 1876-1878, p. 78.)

• Eur ginidenn dioc'h ar mintin,

Sin a wall fin ;

Eur ginidenn dioc'h ann noz,

Sin a gelou mad antronoz. — (Revue Celtique, tome III, 1876-1878, p. 204.)

• An hini a viras, a gavas

Antronoz vintin pa ziunas. — (Lavariou hon tud coz, Feiz ha Breiz niv. 6, 1901, p. 360.)

• Ganeveden dioc'h an noz

Glao pe avel antronoz. — (Lavariou hon tud coz, Feiz ha Breiz niv. 6, 1901, p. 361.)

• An hini a jom er ger dioc'h an noz

A vez divlam antronoz. — (Lavariou hon tud coz, Feiz ha Breiz niv. 6, 1901, p. 361.)

• Ruzell veure, ruzell noz
  Glav pe avel antronoz
  Ruzell veure, ruzell deiz
  Glav pe avel da greisteiz. — (Jules Gros, Le trésor du breton parlé Troisième Partie, 1974, p. 326.)

Troidigezhioù

• galleg : le lendemain ^(fr)