pegeit

Brezhoneg

Etimologiezh

Savet diwar « pe » ha « keit ».

Raganv-goulenn

pegeit

Ger goulennata a verk an hed (gwelout pegen hir):
- En droienn pegeit emañ :
- Pegeit' emañ se ac'hann?' — (Jules Gros, Le trésor du breton parlé Troisième Partie, 1974, p. 173.)
- « Pegeit emañ ar maner ac'han ? » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 179.)
- Soñjit pegeit emaomp diouz ar vourc’h, ha pell diouz an hent bras. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 241.)
- « Pegeit, a gav d’it, emañ [ar penn all d'ar bed] ac'halen ? » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 273.)
- Pegeit emañ Sant-Elar ac'hann? — (Jules Gros, Le trésor du breton parlé Deuxième Partie, 1970, p. 18.)
- En droienn pegeit zo :
- Pegeit zo ac'hann da Vrest? — (Jean Tricoire, Me a gomzo brezoneg, 1990, p 86.)
- Pegeit zo etre Naoned ha Gwened?
Ger goulennata a verk ar pad:
- ... ne ouzon ket mat pegeit e vin . — (Fañch an Uhel, Kontadennoù ar Bobl/3, Al Liamm, 1988, p. 113.)
- Pegeit e chomiz enn dour, ne oufenn ket her lavaret. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 24.)
- N’ouzon ket pegeit e chomas eno... — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 7.)
- « Pegeit e vezo eno ? »« Keit ha ma vezo laosket gant Doue, kredabl. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 240.)
- Pegeit he deus ezomm d'ober ze?
- Pegeit eo bet oc'h ober e dro?
- En droienn n'eus forzh pegeit
E-lec'h pegement (ral) :
- Pegeit a labour hoc'h eus graet?
Ger estlamm : pegen hir
- Pegeit e kavan an amzer!

Deveradoù

Divinadelloù

Pegeid a zo etre an tommder hag ar yenïon (yenijen) ? - Hed ur c'hi : ar c'hi a vez tomm e revr ha yen e fri. — (Jules Gros, Le trésor du breton parlé Troisième Partie, 1974, p. 334.)