ti

Gwelet ivez : Ti, -ti, tŷ

Brezhoneg

Etimologiezh

Testeniekaet en henvrezhoneg (ti, tig).

Meneget er C'hatolikon (ti).

Da geñveriañ gant ar gerioù tŷ en kembraeg, chy en kerneveureg, ti, teach en iwerzhoneg, tegia en galianeg.

Indezeuropeg	Henamzer uhel Kentkeltiek h.a.	Henamzer Predeneg h.a.	Krennamzer uhel Henvrezhoneg h.a.	Krennamzer izel Krennvrezhoneg h.a.	Amzerioù modern Brezhoneg h.a.	Yezhoù all
*(s)teg-(en)	*tegos(en),	*tɨɣ(en)	tig	ty	ti
			ti	chy	chi, chy	Kerneveureg
			tig	ty	tŷ	Kembraeg
		tegia				Galianeg
			tech, teg		teach [iwerz.]	Gouezeleg
	*tektom(en)	tectum	teit		toit [gall.]	Romaneg

Anv-kadarn

ti /ˈtiː/ gourel (furm vihanaat : tiig, liester : tiez, tier)

1. Savadur annez.
   • Eno emañ ma zi. — (Fañch an Uhel, Kontadennoù ar Bobl/3, Al Liamm, 1988, p. 156.)
   • Un ti bihan 'lein ar menez Emañ ma dous, ma c'harantez. — (?, p. ?.)
   • Yun a veve gant e vamm-gozh en un ti paour, war gorre un dorgenn dizarempred. — (Jakez Riou, Geotenn ar Werc'hez ha danevelloù all, Al Liamm, 1957, p. 31.)
2. Lojeiz.
   • Eno e oa tïer hag a oa diskaret. — (Jules Gros, Le trésor du breton parlé Deuxième Partie, 1970, p. 115.)
3. Savadur boutin.
   • Ti ar re gozh.
4. mont en ti: tremen an treuzoù.
   • Pa voent aet en ti, e weljont ur wrac'hig kozh azezet war maen an oaled, ha war ar bank-tosel, e-kichen ar gwele, e oa ur c'havr o roiñ da ur bugel da denañ. — (Fañch an Uhel, Kontadennoù ar Bobl/4, Al Liamm, 1989, p. 29.)
5. e-ti
6. da-di

Notenn

Implijet e vez hep ger-mell a-wezhioù :

• Pegen braw eo kaoud ti ! — (Jules Gros, Le trésor du breton parlé Troisième Partie, 1974, p. 242.)
• Setu bremañ ez on sur a di. — (Jules Gros, Le trésor du breton parlé Troisième Partie, 1974, p. 242.)

Heuliet gant ar c'hemmadur

• N'eus forz da di biou ez in, e vin degemeret mad. — (Jules Gros, Le trésor du breton parlé Deuxième Partie, 1970, p. 164.)

Gerioù kevrennek

• abati
• archerdi
• arc'hanti
• arc'heskopti
• azeuldi
• c'hoaridi
• daeldi
• dourdi
• eskopti
• folldi
• fouzhti
• greanti

• gwalc'hti
• kafedi
• kannati
• kanndi
• kañvdi
• karrdi
• kelenndi
• kendi
• klañvdi
• kloc'hdi
• kloerdi
• laezhdi

• lazhdi
• leandi
• leti
• levrdi
• lovrdi
• maerdi
• manati
• mirdi
• pennti
• plac'h-ti
• popti
• prefeti
• preti

• prioldi
• ranndi
• rektordi
• ti-annez
• ti-bac'h
• ti-bank
• ti-brout
• ti-butun
• ti-embann
• ti-feurm
• ti-forn
• ti-gar
• ti-gward
• ti-gwer

• ti-kastiz
• ti-kêr
• ti-kouez
• ti-laezh
• ti-pediñ
• ti-polis
• ti-post
• ti-plouz
• ti-prenn
• tisaver
• tisaverezh
• tisavour
• tisavouriezh
• ti-skol
• ti-soul
• ti-stern

Deveradoù

• adti

• rakti

• tiad

• tieg

• tiegezh

Divinadelloù

• Petra a rez a-raog antren en ti ? – Tostaad dezañ. — (Jules Gros, Le trésor du breton parlé Troisième Partie, 1974, p. 329.)
• N'ouzout ket pelec'h ema toull ar c'hi e-ti ar person ? – Dindan e lost. — (Jules Gros, Le trésor du breton parlé Troisième Partie, 1974, p. 334.)

Krennlavarioù

• Miz meurz
  Gant e reveurz
  A ra d'ar wrac'h kac'hat en ti
  Ha d'he merc'h koulz hag hi. — (SAV niv. 27, Nevez amzer 1943, p. 28.)
• Pep ki a zo mestr en e di. — (Jules Gros, Le trésor du breton parlé Deuxième Partie, 1970, p. 521.) — (Jules Gros, Le trésor du breton parlé Troisième Partie, 1974, p. 305.)
• Yenna tra a zo en ti : pennou daoulin an ozah ha fri ar hi. — (Jules Gros, Le trésor du breton parlé Deuxième Partie, 1970, p. 559.)
• Yennañ tra a zo en ti : pennou-daoulin an ozac'h ha fri ar c'hi. — (Jules Gros, Le trésor du breton parlé Troisième Partie, 1974, p. 307.)
• Yennañ tra a zo en ti : revr ar c'haz ha fri ar c'hi. — (Jules Gros, Le trésor du breton parlé Troisième Partie, 1974, p. 307.)
• N'eus forz pegen gwasked e vez an ti ec'h arru avel tro pe dro. — (Jules Gros, Le trésor du breton parlé Troisième Partie, 1974, p. 312.)
• Pa erru ur c'holl en ti
  Ez erru daou pe dri

Troidigezhioù

• alamaneg : Haus ^(de)
• esperanteg : domo ^(eo)
• galleg : maison ^(fr)
• katalaneg : casa ^(ca)
• kembraeg : tŷ ^(cy)

• italianeg : casa ^(it)
• okitaneg : ostal ^(oc)
• saozneg : house ^(en)
• spagnoleg : casa ^(es)
• turkeg : ev ^(tr)

Galizeg

ti

1. te

• E ti e os vosos que vos sacudimos ben os ósos.

Ar raganvioù-gour galizek (rener)	eu	ti	el / ela	nós	vostde	eles /[[elas]

Italianeg

Raganv

1. • Sono molto lieto di conoscerti.
   • Ti piace o mio marito?
   • Ti darò la chiave ché tu possa entrare. - An alc'hwez a roin dit evit ma c'halli dont e-barzh.

Krennlavar

• I veri amici sono quelli che hanno il coraggio di dirti quando la tua faccia è sporca.

Kembraeg

Sellet e vez ouzh ar bajenn pe ar gevrenn-mañ evel un divraz da glokaat e kembraeg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ».

Raganv-gour

ti

1. Raganv ar c'hentañ gour unan gant araogennoù.
   • Aith a thi.

     Ez eas ganit.

2. Evel rannig-verb (dirak verboù).
   • Ti wyddost y gorchymynion.

     Te a ouias ar gourc'hemennoù.

Adstummoù

• di
• tydi
• tithau
• 'th

Stummoù kar

• mi, ti, ef, hi, ni, chwi, hwy.

Spagnoleg

Sellet e vez ouzh ar bajenn pe ar gevrenn-mañ evel un divraz da glokaat e spagnoleg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ».

Raganv-gour

ti

1. Raganv an eil gour unan .
   • A ti te gusta el buen vino.