maesa

Brezhoneg

Etimologiezh

Eus maez hag -a.

Skrivet maesa e Devri, mêsa e Geriadur Al Liamm, mesa e Geriadur Hemon-Huon, 2005.

Verb

maesa /ˈmɛsːa/ verb kreñv eeun (anv-gwan-verb : maesaet) (displegadur)

1. Diwall loened pevarzroadek war ar maez
   • Nemet ur c'had, sparlet ez oa,
     Un aer-wiber euz hi mesa. — (Fañch an Uhel, Gwerziou Breiz-Izel 2, An Oriant, 1874, p. 528.)
   • Ha pa 'c'h ê, eur wech an amzer, da vesa saoud ha denved e amezegez war an torrod yeotek, e-unanik, dirag an dremwel, ar c'hôjou, al lavariou, ar zoniou a deue da nij dirak daoulagad e goun. — (Fañch al Lae, Bilzig, Kemper, 1925, p. 52.)
   • A ! breman 'zo tri de, pa oa eno o vesa, e vije bet souezet bras o klevet 'nije ken, hep dale, lec'h all ebet d'en em repui nemet an toull-ze. — (Erwan ar Moal, Pipi Gonto, Kemper, 1925, p. 209.)
   • [...] ; holl a raent, krennarded koulz ha merc'hed, gant ar brezhoneg dalc'hmat, er gêr, er c'hatekiz, er parkeier pa vezent o vaesa pe o neizhata, [...]. — (Jarl Priel, Va Zammig Buhez, Al Liamm, 1954, p. 8.)
   • Pell a oa ne oan ket bet o vêsa. — (Jules Gros, Le trésor du breton parlé Première Partie, 1966, p. 208.)
   • Ha goude e teue a-hed an div eur ganin da vêsa. — (Jules Gros, Le trésor du breton parlé Deuxième Partie, 1970, p. 214.)
   • Homañ a zo rekouret, homañ 'a vês he buoh war goust an dud all. — (Jules Gros, Le trésor du breton parlé Deuxième Partie, 1970, p. 275.)
   • Eur plah koz hag a oa eno o vêsa ... — (Jules Gros, Le trésor du breton parlé Deuxième Partie, 1970, p. 416.)
   • Ar vatezh vihan a oa o vaesa. — (Jules Gros, Le trésor du breton parlé Troisième Partie, 1974, p. 180.)
2. (Dre hevelebiezh) Eveshaat
   • Holl emaint o vesa o c'hrennarded, pôtred ha pôtrezed, pere a welit du-hont, war an drêzenn. — (Fañch al Lae, Bilzig, Kemper, 1925, p. 94.)
   • Tri gorf an nije bet ezomm ar c'hemener: unan da vont da gavout Janig koant, eun all da vesa ar jendarmed, hag unan c'hoaz da vesa an toull. — (Erwan ar Moal, Pipi Gonto, Kemper, 1925, p. 173.)
   • [...], ar bôtred a oa ar gigeri war o c'hont, hag ar garg da vesa an ti, rak an dispac'h, evel eur barr-arne, a groze du-ze pelloc'h, [...]. — (Erwan ar Moal, Pipi Gonto, Kemper, 1925, p. 224.)

Gerioù heñvelster

• mêsa

Gerioù kar dre o ster

• diwall

Deveradoù

• maesaer

Troienn

• maesa an dro

Troidigezhioù

• garder ^(fr) , surveiller ^(fr) (les animaux dans les champs)
• surveiller ^(fr)