kemener

Gwelet ivez : Kemener

Brezhoneg

Ur c'hemener o labourat. (1)

Ur c'hemener. (2)

Etimologiezh

Diwar kemen-, pennrann ar verb kemenañ hag al lostger -er.

Meneget er C'hatolikon (quemener)

Da geñveriañ gant ar ger cymynwr e kembraeg.

Anv-kadarn

	Unander	Liester
Gourel	kemener /kẽˈmẽːnɛr/	kemenerien /kemeˈnɛrjɛn/
Benel	kemenerez /kemeˈneːres/	kemenerezed /kemeneˈreːzet/

kemener /kẽˈmẽːnɛr/ gourel (liester : kemenerien, kemenerion)

1. Den a zo e vicher sevel, dresañ pe gemmañ dilhad
   • Hag ar baraer a lemas e vanegoù hag a diskouezas ivez daou dorn a oa gwennoc'h c'hoazh eget re ar c'hemener. — (Fañch an Uhel, Kontadennoù ar Bobl/3, Al Liamm, 1988, p. 191.)
   • Evit gwir, Julig a oa kemener: [...]. — (Erwan ar Moal, Pipi Gonto, Kemper, 1925, p. 171.)
   • Da sul, a-wechoù, e kave an tu da vont da Benngili, da welout e eontr kemener, ar C'hadet kozh, a oa intañv d'an ampoent, ha da c'hoari gant e vugale. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 31.)
2. (Loenoniezh) Loen heñvel a-walc'h ouzh ar gevnidenn voutin, dezhañ ur c'horf bihan ha pavioù hir-hir
3. (el liester) Seurt debron : gwelet kemenerien.

Deveradoù

• kemenerezh
• kemeneriñ

Gerioù kevrennek

• kemener-dour
• kemener-mor

Troioù-lavar

• bezañ bet ar c'hemener warnañ : bezañ krafignet e zremm
• bragoù kemener : toull glas en oabl koumoulek
• kemer e bleg kemener : azezañ evel ma rae ar gemenerien, gant an divhar pleget dindan e gorf ; kemeneriñ

Krennkavarioù

• Ur c'hemener n'eo ket un den :
  Kemener eo ha netra ken. — (Jules Gros, Le trésor du breton parlé Troisième Partie, 1974, p. 307.)

Troidigezhioù

Den a zo e vicher sevel, dresañ pe gemmañ dilhad. (1)

• alamaneg : Schneider ^(de)
• daneg : skrædder ^(da)
• esperanteg : tajloro ^(eo)
• faeroeg : skraddari ^(fo)
• frizeg : skroar ^(fy)
• galizeg : xastre ^(gl) alfaiate ^(gl)
• galleg : tailleur ^(fr)  ; couturier ^(fr)
• ganda : omutunzi ^(*)
• katalaneg : sastre ^(ca)
• kembraeg : cymynwr ^(cy)
• haitieg : tayè ^(*)
• hungareg : szabó ^(hu)
• ido : taliisto ^(io)
• italianeg : sarto ^(it)
• iwerzhoneg : táilliúir ^(ga)
• malayseg : penjahit ^(ms)
• more : fushẽda ^(*)
• nederlandeg : kleermaker ^(nl) , snijder ^(nl) , tailleur ^(nl)

• norvegeg : skredder ^(no)
• okitaneg : sartre ^(oc)
• papiamento : sastre ^(*)
• portugaleg : alfaiate ^(pt) , costureira ^(pt)
• saozneg : tailor ^(en)
• shona : musoni ^(*)
• sikilianeg : sartu ^(scn)
• skoseg : tàillear ^(gd)
• sotho an Norzh : moroko ^(*)
• spagnoleg : sastre ^(es)
• svedeg : skräddare ^(sv)
• swahili : mshonaji ^(sw)
• tagalog : mananáhì ^(tl) , sástre ^(tl)
• turkeg : terzi ^(tr)
• wolof : nawkat ^(wo)

Loen heñvel a-walc'h ouzh ar gevnidenn voutin, dezhañ ur c'horf bihan ha pavioù hir-hir. (2)

• galleg : faucheux ^(fr)