gad

Brezhoneg

Etimologiezh

Meneget er C'hatolikon (gat).

Anavezet evel anv-tiegezh : Gad.

Anv-kadarn

Ur c'had. (1)

gad /ɡɑːt/ benel (liester gedon)

1. (Loenoniezh) : Bronneg krigner (Lepus capensis) kar d'ar c'honikl. Gallout a ra redek buan ha lammat pell.
   • Evel ar c'had er radeneg ne gousk morse 'met hanter. — (Prosper Proux, Son ar merc’hetaer.)
   • Anzav fraezh din ez poa teir c’had da zigas a-berzh va mignon. — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 99.)
   • Ac'hanta, al lizher em eus lennet bremaik dirazout a gomz a teir c'had. — (Klaoda ar Prad, An teir c'had ; Ar mevel laer, Ti-moulerezh Sant-Gwilherm, Sant-Brieg, 1908, p. 14.)
   • Arsa ! Yann-gozh, n'eo ket moan a-walc'h en taol-mañ ho fri evit dizoleiñ trev ar c'had... — (Brogarour, Onenn, Gwengamp, 1936, p. 91.)
   • Evit pakañ louarn pe c'had
     Sevel abredik a zo mat. — (Tad Medar, An Tri Aotrou, 1981, p. 113.)
   • Ar had a oa war he chéd dindan eur vodenn lann. — (Jules Gros, Le trésor du breton parlé Deuxième Partie, 1970, p. 54.)
2. Merc'hetaer.

Gerioù heñvelster

• skouarneg (lesanv ar c'had)

Deveradoù

• bara-gad
• gadañ
• gad-venez
• gedona
• gedonaer
• hanterc'had
• skouarn-gad
• mal-gad
• melchon-gad
• triñchin-gad
• troad-gad

Troioù-lavar

• bezañ badezet gant eoul gad
• bezañ gad diwar c'had
• leuskel gedon da redek
• ober ur c'honikl e-lec'h ur c'had
• redek evel ur c'had
• reiñ avel d'ar c'had
• ruilhañ gwad gad en e wazhied
• tapet he gad dezhi
• tapout div c'had gant un tenn
  tapout div c'had gant ar memes tenn

Krennlavarioù

• Ar c'had zo da neb he fak.
• Da bep seurt oad
  E red ar c'hi war-lerc'h ar c'had. — (Jules Gros, Le trésor du breton parlé Troisième Partie, 1974, p. 305.)
• Gad diwar c'had
  Biken ne rat
• Gwell eo ur c'had tapet evit div o redek. — (Jules Gros, Le trésor du breton parlé Troisième Partie, 1974, p. 304.)
• N'eo ket gant an taboulin e vez paket ar c'had. — (Aogust Brizeug, Furnez Breiz.)

Troidigezhioù

loen

• afrikaans : haas ^(af)
• alamaneg : Hase ^(de)
• albaneg : lepur ^(sq)
• arabeg : أرنب ^(ar) (ʾarnab)
• armenianeg : նապաստակ ^(hy) (napastav)
• daneg : hare ^(da)
• esperanteg : leporo ^(eo)
• faeroeg : hara ^(fo)
• finneg : jänis ^(fi)
• frizeg : hazze ^(fy)
• galleg : lièvre ^(fr)
• gresianeg : λαγός ^(el) (lagós)
• hensaozneg : hara ^(ang)
• hungareg : nyúl ^(hu)
• ido : leporo ^(io)
• italianeg : lepre ^(it)
• iwerzhoneg : giorria ^(ga)
• japaneg : 野兎 ^(ja) (のうさぎ) (nōsagi)
• katalaneg : llebre ^(ca)
• kembraeg : ysgyfarnog ^(cy)
• kerneveureg : skovarnek ^(kw)
• koreaneg : 산토끼 ^(ko) (santokki)
• nederlandeg : haas ^(nl)
• norvegeg : hare ^(no)
• poloneg : zając ^(pl)
• portugaleg : lebre ^(pt)
• rusianeg : заяцы ^(ru) (zaiatsy)
• sámi an Norzh : njoammil
• saozneg : hare ^(en)
• skoseg : maigheach ^(gd)
• spagnoleg : liebre ^(es)
• svedeg : hare ^(sv)
• swahili : sungura ^(sw)
• turkeg : tavşan ^(tr)
• ukraineg : заєць ^(uk) (zaiets')

merc'hetaer

• galleg : coureur ^(fr) (de filles), dragueur ^(fr)

Gwelet ivez

• Ar pennad «  gad » e-barzh Wikipedia