am bez

Brezhoneg

Etimologiezh

Diwar am ha bez (furm displeget ar verb bezañ)

Furm verb

am bez /ãmˈbe(s)ː/

1. Furm ar verb en devout/kavout e kentañ gour unan stumm boaz an amzer-vremañ
   • E lavarennoù dizalc'h :

     Me am-bez droug ouzhin ma-unan. — (Jules Gros, Le trésor du breton parlé Troisième Partie, 1974, p. 113.)

     Me am-bez heg ouz honnez. — (Jules Gros, Le trésor du breton parlé Deuxième Partie, 1970, p. 214.)

     Me am-bez poan e poull ma halon. — (Jules Gros, Le trésor du breton parlé Deuxième Partie, 1970, p. 229.)

     Me am-bez aon rag ar rederien a zeu war ar vro. — (Jules Gros, Le trésor du breton parlé Deuxième Partie, 1970, p. 436.)

     Bremañ n'am-bez ket a zigarez da vond d'an ti. — (Jules Gros, Le trésor du breton parlé Deuxième Partie, 1970, p. 108.)

     Daou behed bemdez a ran : diegi am-bez da vond da gousked ha diegi da zevel. — (Jules Gros, Le trésor du breton parlé Deuxième Partie, 1970, p. 400.)

     Euz an traou koz am-bez soñj, euz an traou nevez-dremenet n'am-bez ket. — (Jules Gros, Le trésor du breton parlé Troisième Partie, 1974, p. 192.)

   • Plijadur am bez pa vez ganin ha rannañ a reomp ma silzig-sec'h ha ma c'hcamembert hanter-ouzh-hanter. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 23.)
   • E pennlavarennoù :

     Me a zo amañ evel mab Kadïou : p'o-devez ar re all eur vazad, me am-bez dïou. — (Jules Gros, Le trésor du breton parlé Première Partie, 1966, p. 59.)

   • Me am bez poan-spered pa soñjan em mab a zo war ar mor, — (Jules Gros, Le trésor du breton parlé Deuxième Partie, 1970, p. 422.)

     Pa'z an war an douar beo am-bez poan e pennou ma daoulin. — (Jules Gros, Le trésor du breton parlé Deuxième Partie, 1970, p. 40.)

     Me, pa vez leun ma c'hof, n'am-bez tamm naon ebed ken. — (Jules Gros, Le trésor du breton parlé Troisième Partie, 1974, p. 192.)

     Pa'z an war an douar bew am-bez poan e pennou ma daoulin. — (Jules Gros, Le trésor du breton parlé Troisième Partie, 1974, p. 192.)

     Plijadur am bez pa vez ganin ha rannañ a reomp ma silzig-sec'h ha ma c'hcamembert hanter-ouzh-hanter. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 23.)

   • En islavarennoù gant pa :

     P'am be arc'hant 'm be botou-prenn,
     Pa n'am be ket, 'c'h an dierc'henn. — (Fañch an Uhel, Soniou Breiz-Izel 2, Pariz, 1891, 1971, p. 72.)

     Me am-bez aon rag koueza pa'm-bez botou laosk. — (Jules Gros, Le trésor du breton parlé Deuxième Partie, 1970, p. 307.)

     Pa'm-bez ur gwenneg bennag e talc'han tost dezo. — (Jules Gros, Le trésor du breton parlé Troisième Partie, 1974, p. 192.)

   • En islavarennoù gant evel :

     Evel ( m' ) am-bez evet kafe kreñv e komañs ma c'halon da galkenniñ. — (Jules Gros, Le trésor du breton parlé Troisième Partie, 1974, p. 192.)

   • En islavarennoù gant ma :

     Ma n'am-bez ket a harp e kouezan. — (Jules Gros, Le trésor du breton parlé Deuxième Partie, 1970, p. 212.)

   • D'ober amzer dremenet kevrennek ar stumm boaz :

     Evel ( m' ) am-bez evet kafe kreñv e komañs ma c'halon da galkenniñ. — (Jules Gros, Le trésor du breton parlé Troisième Partie, 1974, p. 192.)

Gerioù kar dre o ster

• em bez

Rimadelloù

• A bé sé dé,
  War ma revr am-bez.
  Warc'hoaz am-bo adarre,
  Nemed ma mestr a vankfe,
  Ne gredan ket e rafe ! — (Jules Gros, Le trésor du breton parlé Troisième Partie, 1974, p. 385.)

Gwelet ivez

• am eus
• az pez (ez pez), en dez, he dez, hor bez, ho pez, o dez

Troidigezhioù

• galleg : (j')ai ^(fr)