digarez

Brezhoneg

Etimologiezh

Diwar ar rakger di- hag an anv-kadarn karez.

Anv-kadarn

digarez /diˈɡɑːre(s)/ gourel (liester : digarezioù)

1. Abeg da ober un dra bennak
   • Gwell hir e kaven-me he fri sparfell, ha bez' oa en he fenn daoulagad damc'hlas evel pa vijent bet dislivet dre skuilh daeroù, rak diwar an disterañ digarez hag alies hep tanfoeltr abeg ebet, e stage da leñvañ druz. — (Jarl Priel, Va Zammig Buhez, Al Liamm, 1954, p. 12.)
   • Digarez da c'hoapaat a vezo kavet adarre. — (Jakez Riou, Geotenn ar Werc'hez ha danevelloù all, Al Liamm, 1957, p. 40.)
2. kaout digarez da ober un dra bennak
3. Klask digarez/digarezioù da ober un dra bennak
   • An den yaouank a glevas mad en dro-man ar pez a lavaras ar prins hag e kement-se ne glaskas digarez ebet, petra bennak ne vije ket bet diês d'ezan diskouez ne oa ket hounnez e c'hoar. — (G. MILIN, Gwechall-goz e oa..., Kemper, 1924, p. 17.)
   • Mezv e vezent alies hag e klaskent digarezioù da c'houlenn o c'hont ha da dorriñ o c'houmanant. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 201.)
4. bezañ hep digarez
   • ... stourm hep digare zo bezan trabaser; chom hep stourm pa ve digare, a zo bezan didalvez ha lez-ober. — — (BUEZ 1912, p. 168.)

Troioù-lavar

• digarez ki
• digarez ouzhpenn
• digarez toull
• war-digarez
• war-zigarez
• ho tigarez

Deveradoù

• digareziñ
• digarezour

Krennlavarioù

• N'eo ket digarez
  A vank d'an didalvez.

Troidigezhioù

• galleg : excuse ^(fr) , prétexte ^(fr) , occasion ^(fr)