diaes

Brezhoneg

Etimologiezh

Savet diwar ar rakger di- hag an anv-gwan aes.

Anv-gwan

Derez	Furm
Derez-plaen	diaes
Derez-uheloc'h	diaesoc'h
Derez-uhelañ	diaesañ
Derez-estlammiñ	diaesat

diaes /ˈdiː.ɛs/ ; ken diaes.

1. Ha n'eo ket aes.
   • Bezañ ken diaes d'ober ha delc'her ur bramm war beg un ibil : bezañ diaes-bras d'ober
2. Bezañ diaes, diaes-bras.
   • — « [...] ; hag o goulenn o devezo, ha pa ve diaes-bras. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 96.)
   • Ar vugale n’eo ket diaes sodiñ anezho. — (TBP?, p. ?.)
3. Bezañ diaes da ober.
   • Ac'hanta ! ha ne vije ket hounnezh ur gudenn diaes da zibunañ ? — (Lan Inizan, Emgann Kergidu 1, Brest, 1877, eil emb. Al Liamm 1977, p. 14.)
   • An naon a zo dishegar ha diês da c'houzañv. — (G. MILIN, Gwechall-goz e oa..., Kemper, 1924, p. 5.)
   • Ar vuoh-mañ a zo dïez da horo. — (Jules Gros, Le trésor du breton parlé Première Partie, 1966, p. 127.)
   • An dra-ze a zo dïêz a-walh da gompren. — (Jules Gros, Le trésor du breton parlé Deuxième Partie, 1970, p. 106 .)
   • An astuz a vez dïêz da zinodi. — (Jules Gros, Le trésor du breton parlé Deuxième Partie, 1970, p. 111.)
   • War an hent e kave, lies gwech, toucherien-loened o vont, en ur sakreal hag en ur lakaat o foetoù da strakal, da gas d'ar vag bandennadoù saout lart pennasket ha diaes da ren ... — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 11.)
4. Bezañ diaes da un den ober un dra.
   • – « Mar goufen, va zad, ne ve ket diaes din lavarout deoc'h ; [...]. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 156.)
   • An den yaouank a glevas mad en dro-man ar pez a lavaras ar prins hag e kement-se ne glaskas digarez ebet, petra bennak ne vije ket bet diês d'ezan diskouez ne oa ket hounnez e c'hoar. — (G. MILIN, Gwechall-goz e oa..., Kemper, 1924, p. 17.)
5. Kavout diaes.
6. Kinglañv.
   • bezañ diaes.
   • En deiz-se e oa bet dïêz e-pad an deiz. — (Jules Gros, Le trésor du breton parlé Deuxième Partie, 1970, p. 107.)
   • Peogwir ma tebran diouzh an noz e vezan 'diêz goude. — (Jules Gros, Le trésor du breton parlé Deuxième Partie, 1970, p. 107.)
   • Me oa bet 'diêz diwar an tamm kig-sall -se. — (Jules Gros, Le trésor du breton parlé Deuxième Partie, 1970, p. 107.)
7. Bezañ tapet diaes.

Deveradoù

• diaesaat
• diaested
• diaester

• diaez
• diaezamant
• diaezañ

• diaezer
• diaezus

Gerioù kevrennek

• diaes-bras
• diaes-kenañ
• diaes-meurbet
• diaes-tre

Troioù-lavar

• bezañ diaes e galon
• bezañ diaes e benn
• bezañ diaes e spered

• lakaat diaes

Troidigezhioù

n'eo ket aes

• esperanteg : malfacila ^(eo)
• galleg : difficile ^(fr)
• italianeg : difficile ^(it) benel ha gourel, difficili ^(it) liester
• saozneg : difficult ^(en) , uneasy ^(en)

kinglañv

• galleg : indisposé ^(fr)
• saozneg : unwell ^(en) , sick ^(en)

nec'het

• galleg préoccupé ^(fr)
• saozneg worried ^(en)