n'eus ket

Brezhoneg

Etimologiezh

Savet diwar n'eus ha ket.

Furm verb

n'eus ket /Distagadur ?/

1. Stumm nac'h ar verb bezañ, gant ur rener amstrizh
   • [...]
     Arvor, ô douar sakr, a greiz-kalon m'ho kar ;
     Bro all ker kaer n'eus ket war an douar !
     [...] ! — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 59.)
   • — Sada eur pesk, eme ar paotr, am eus paket en aod, n'eus ket pell, fresk-beo eo c'hoaz. — (G. MILIN, Gwechall-goz e oa..., Kemper, 1924, p. 42.)
   • — Fe! ôtro, eme an ostiz, n'eus ket aman kalz a dra da welet, na kalz a blijadur da gavout! — (Erwan ar Moal, Pipi Gonto, Kemper, 1925, p. 26.)
   • — [...]. N'eus ket kalz anezhe, ha prizius-bras int. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 209.)
2. en droienn n'eus ket da dirak un anv-verb:
   • — Ya, ya, rak ma n'her lakeomp ket d'ar marv, eñ hor lakaio-ni, ni hag hon tud, rak n'eus ket da gontañ war wellaat ennañ ; alies a-walc'h eo bet kenteliet, ha gwelloc'h eo bezañ kiger eget bezañ leue. — (Lan Inizan, Emgann Kergidu 1, Brest, 1877, eil emb. Al Liamm 1977, p. 87.)
   • Herve. — Asa 'ta mat ! aze n'eus ket da lavaret nan ! Ne fell ket d'in ez afe va gwella mignon da loja da di-all ebed aman nemet d'am hini ! — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 13.)
   • Nann ; n'eus ked da druezi ouz ar c'hillog-se. — (Tad Medar, An Tri Aotrou, 1981, p. 51.)
   • — [...]. Ezhomm hon eus ur skipailh gwelloc'h eget hini warlene, n'eus ket da dortal. [...]... — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 158.)
   • — [...]. Evit da dud, n'eus ket da lavarout : ar re-se a oa oristaled, a-hed an neudenn. [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 63.)
3. dirak un anv-gwan-verb:
   • E dad ? N'eus ket bet anaveet anean : beuiet e oa bet, a-rôk ginivelez ar pôtr. — (Fañch al Lae, Bilzig, Kemper, 1925, p. 11.) (a c'hallfe bezañ evit "n'en deus ket bet", da wiriañ)
   • N'eus ket chomet ur penn-yar bev war e lerc'h, el leur nag er porzh. — (Tad Medar, An Tri Aotrou, 1981, p. 111.)
   • Ganin-me n'eus ket deuet arc'hant a-walc'h. PIPI 1908/102
   • N'euz ket zoken gouezet biskoaz, evit mad, abalamour da betra en doa ranket kuitaat he vro. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 324.)
   • N'eus ket kavet louzou ebed c'hoaz da wellaad ar hañser. — (Jules Gros, Le trésor du breton parlé Deuxième Partie, 1970, p. 326.)
   • « Eun horolaj evel hennez ! eun horolaj, enor Bertele, e-giz ma’z eo, e-giz ma oa Bertele enor Lokeored ! eun horolaj ha n’eo ket bet direnket morse evit ar wech ! eun horolaj ha n’eus ket aet eur gwenneg morse da renka anezañ ! ... » KBSA

Troioù-lavar

• n'eus ket a ( gwelout ket a)
• n'eus ket nemeur
• n'eus ket pell

Troidigezhioù

• galleg : (elle)/(il) il n'y a pas ^(fr)