betek-hen
Mont d’ar merdeerezh
Mont d’ar c’hlask
Brezhoneg
Etimologiezh
- Diwar betek hag ar raganv-gour hen.
Adverb
betek-hen /ˌbeteˈɡɛnː/ (e Geriadur Hemon-Huon)
- Betek bremañ, bete hen (dispredet)
- Marteze e kav deoc'h n'em eus graet, betek-hen, nemet lavaret gevier en ur ziskleriañ deoc'h an traoù diskiant ha kriz a rae ar Republikaned en eskopti Treger, rak lavaret a reot din : [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 117.)
- — [...]; mez goasoc'h, a gaf d'ign, eo ar pez ec'h euz da ober enn noz da zont eget kement tra ec'h euz great betek hen. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 112.)
- Selaou, mignon Lom, marteze, n'em eus ket c'hoaz hel lavaret d'it betek-hen ; [...]. — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 6.)
- — [...]. Gwelet a-walc'h em eus betek-hen n'oun ket great evit plijout d'eoc'h. — (Ivon Krog, Eur Zac'had Marvailhou, Buhez Breiz, Kemper, 1924, p. 26.)
- — [...]. Bet em beus-hen digant Morgan, hag, hervez am beus klevet ganti, ne deo bet betek-hen nemet da unan eus ar vrezellerien vrasa a zo bet biskoaz; roet e oa bet d' ezan gant Marzin. [...]. — (G. MILIN, Gwechall-goz e oa..., Kemper, 1924, p. 36.)
- — « [...]. Morse betek hen n'en deus c'houitet war e venoziou, [...]. — (Abeozen, Dremm an Ankou, Skridoù Breizh, 1942, p. 1499.)
- Betek-hen n'o deus ket kontet na Job na Lom gaou ebet er pennad-mañ. — (Jakez Riou, An Ti Satanazet, Skridoù Breizh, 1944, p. 39.)
- « Marc'h, roue Poulmarc'h, [...], te a vezo da ziskouarn heñvel ouz diskouarn al loen a zougas ac'hanout betek-hen. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 41.)
- Na pegen alies e c'hoarvez din betek-hen klevout digant ur c'hozhiad bennak eveldon : [...]. — (Jarl Priel, Va Zammig Buhez, Al Liamm, 1954, p. 10.)
- Betek-hen, emezon, n'emañ ket ar c'hiz ober kemend-all ha tanfoeltr biken ne rin ! — (Jarl Priel, Va Buhez e Rusia, Al Liamm, 1955, p. 16.)
- Ken aketus e veze, koulskoude, da sentiñ ouzh he zad kofesour, hag a oa un den fur ha santel, m'he doa heuliet bepred an hent mat, betek-hen. — (Langleiz, Romant ar Roue Arzhur/levrenn I : Marzhin, Al Liamm, 1975, p. 18.)
- Met betek-hen ne veve Kristina nemet em eñvor-me, ha dre ma eñvor-me : [...]. — (Pêr Denez, Glas evel daoulagad c'hlas na oant ket ma re, Al Liamm, 1979, p. 98.)
- — Dal. Kemer ar gouign-mañ, eme Harry, ha n'en devoa bet netra betek-hen da rannañ gant den ebet, na den ebet da rannañ tra gantañ. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 109.)
Doareoù-skrivañ all
- Skrivet ivez betek-henn, e Geriadur an Here.
Gerioù heñvelster