disklêriañ
Brezhoneg
|
Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ». |
Etimologiezh
- → Etimologiezh da glokaat (Ouzhpennañ)
Verb
disklêriañ /disˈklɛrjã/ verb kreñv eeun (displegadur)
- Embann
- Ouzhpenn-se, ober a reas c'hoazh un tamm skrid hag a lennas d'e vikeled-vras evit diskleriañ ne deuje biken da douiñ sentiñ ouzh al lezennoù dizoue nevez graet. — (Lan Inizan, Emgann Kergidu 1, Brest, 1877, eil emb. Al Liamm 1977, p. 16.)
- En ur sellout ouzh e vab en e vragoù nevez-flamm e tisklêrias Tonton Vernon e oa kaerañ devezh e vuhez. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 38.)
- Laouig Tromeur ha Loeiz Paveg a valbouze un dra bennak gwech an amzer hag a asante da gement tra disklêriet gant Ifig Gloagen. — (Youenn Kervalan, Dremmoù Arrasate, Embannadurioù Al Lanv, 2009, p. 27.)
- Pan en doe diskleriet ar c'homzoù-se e pellaas war an tu dehou e werennad v-Byhrr hanterevet. — (Jakez Konan, Lannevern e kañv ha danevelloù all, Al Liamm, 1980, p. 33.)
- ..., hag o vezañ ne gavas ennon na si na namm, ha netra da damall d'am c'halon, d'am skevent na d'am avu, e tisklerias e oan dellezek da vezañ martolod. — (Jarl Priel, Va Zammig Buhez, Al Liamm, 1954, p. 81.)
- Displegañ, sklaeraat
- .... Ha bremañ pa'm eus rentet servij deoc'h, eo deoc'h ivez disklêriañ din petra 'fell deoc'h e rafen c'hoazh." — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 10.)
- Bremañ, p'am eus diskouezet pegen kozh eo ar c'hiz eus ar gourenoù er vro-se, e fell din diskleriañ penaos e tremen ar gourenadeier a c'heller a welout bep hañv e Pleiben, ... — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 34.)
- « Met ne vo ket disklêriet deoc'h petra a oa enni, ha gwelloc'h deoc'h mont da sevel ho fri da lec'h all », ... — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 148.)
- Un triugentvloaziad, e zaouarn sanket don gantañ e chakodoù e vantell, bered ar vro war e glopenn, a zisklêrias hegarat da Lizig e oant tud eus Arrasate, ... — (Youenn Kervalan, Dremmoù Arrasate, Embannadurioù Al Lanv, 2009, p. 109.)
- Bodet sioul en-dro d'an daol vras edo ar guzulierien o selaou paotr an Aferioù-a-Vor o tisklêriañ al lezennoù a denne d'an aodoù. — (Goulc'han Kervella, Brezel ar Rigadell, Al Liamm, 1994, p. 27.)
- ... - marteze gwellañ tra 'oufen ober eo diskleriañ peseurt gwiskamant a veze, er mare ma komzan dioutañ, ... — (Jarl Priel, Va Zammig Buhez, Al Liamm, 1954, p. 30.)
- Prouiñ
- D'an ampoent e oa bev c'hoazh Nouel ar Gow, rak test e voe pa yeas e vab d'an ti-kêr da ziskleriañ ginivelezh e vugel. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 8.)
- ..., e rankjod, evit prouiñ e oa mab henañ intañvez ha m'en divije ar gwir da chom hep mont da soudard, lakaat diskleriañ gant lez-varn Montroulez e oa marv Yeun ar Gow kozh, e dad. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 17.)
- disklêriañ un dra : en anzav
- disklêriañ un den: en flatrañ:
- Patern. — [...]! It da zutal ; c'hoant ho poa da gaout va danvez-me ; met me eo a zo o vont d'ho tiskleria d'an archerien ! — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 35.)