anzav

Brezhoneg

Etimologiezh

(Anv-kadarn ha Verb) Metatezenn evit *az-anv hag a glot tamm-pe-damm a-fet ster gant ar ger latin ad-nōmin-āre.^[1]

Da geñveriañ gant ar verb kembraek addef dezhañ ar memes ster.

(Furm verb) Savet diwar « anzav- », pennrann ar verb « anzav », hep dibenn-ger.

Anv-kadarn

anzav /ˈãnzaw/ gourel (liester anzavioù)

1. Disklêriadur dre gomz pe dre skrid ma anavezer bezañ graet pe lavaret un dra bennak.
   • Sellout a reas e geneil outañ ur momed, souezhet-mik gant un anzav ken dic'hortoz. — (Jakez Konan, Diwezh-sizhun, e-barzh Kontadennoù an amzer vremañ, Al Liamm, 1960, p. 37.)
2. anzav ar wirionez

Troidigezhioù

• alamaneg : Geständnis ^(de)  ; Beichte ^(de)
• albaneg : pranim ^(sq)
• finneg : tunnustus ^(fi)
• galleg : aveu ^(fr)
• hungareg : gyónás ^(hu)

• ido : konfeso ^(io)
• italianeg : confessione ^(it)
• nederlandeg : bekentenis ^(nl)
• saozneg : confession ^(en) ; avowal ^(en)
• turkeg : itiraf ^(tr) ; ikrar ^(tr)

Verb

anzav /ˈãnzaw/, pe anzavout verb kreñv eeun (displegadur)

1. Anzav un dra bennak : disklêriañ, reiñ da anavezout un dra bennak kuzhet a-raok.
   • Anzav a ris kement-se gant kalz a geuz d'am Aotronez ha, va feiz, en ur gimiadiñ diouzhin ne voent ket evit tevel e oant a-grenn a-du ganin. — (Jarl Priel, Va Zammig Buhez, Al Liamm, 1954, p. 74.)
2. Anzav un dra ouzh un den, pe da un den
   • Aman e rankan anzao ouzoc'h eun dra hag en deuz great kals a boan d'an oll dud a galoun e Breiz; [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 147.)
   • — Anzavit ouzign, eme Viel en eur vousc'hoarzin, oc'h deuet aman, enn enezen-mañ, da glask kougn da guzet, pe bag da vont da Vro-Zaoz. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 194.)
   • — [...] Anzao ouzign; ped gueach nec'h euz ket sachet tud enn da di evit ho mezvi, ha, pa vezent mezo, ped gueach ne c'heuz ket lakeat da zourn enn ho godel evit kemeret ho guenneien! [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 321.)
   • Anzav fraezh din ez poa teir c’had da zigas a-berzh va mignoun. — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 99.)

• ar stumm anzaout a gaver e w: Reflexionou profitabl var ar finvezou diveza, pajenn 363.

Deveradoù

• akta anzav
• anzavadenn

• anzavadur
• anzaver

• anzavidigezhioù
• dianzav

• dianzavadur
• lizher-anzav

Troidigezhioù

• esperanteg : konfesi ^(eo)
• galleg : avouer ^(fr) , reconnaître ^(fr)
• gresianeg : ομολογώ ^(el) (omologó)

• ido : konfesar ^(io)
• portugaleg : confessar ^(pt)
• saozneg : to avow ^(en)

Furm verb

anzav /ˈãn.zaw/

1. Furm ar verb anzav e trede gour unan an amzer-vremañ, en doare-disklêriañ.
2. Furm ar verb anzav en eil gour unan an doare-gourc'hemenn.
   • — [...] Anzao ouzign ; ped gueach nec'h euz ket sachet tud enn da di evit ho mezvi, ha, pa vezent mezo, ped gueach ne c'heuz ket lakeat da zourn enn ho godel evit kemeret ho guenneien ! [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 321.)
   • Anzav fraezh din ez poa teir c’had da zigas a-berzh va mignoun. — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 99.)

• anzavit

Daveoù

Roll an daveoù :

• ^[1] : Lexique Étymologique des termes les plus usuels du Breton Moderne, p. 13.