anavezout

Brezhoneg

Etimologiezh

Eilstumm diwar anavout dindan levezon bezout.

Verb

anavezout /'ãna've:(z)ut/, /'ãn've:ut/ ; a-wechoù anaout (anv-gwan-verb : anavezet) (displegadur)

1. Bezañ graet anaoudegezh gant un den:
   • Herve. — N'eus ket eur C'herlaban e Kemper ha ne anavezfen ket, adalek ar c'hosha beteg ar yaouanka. [...]. — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 10.)
2. Anavezout un den pe un dra a-douez tud pe traoù all:
   • Hag hi : « D' it e vezin, mar dout gouest da anavezout ac'hanoun e-touez ar re-all ». — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 199.)
   • N' anavezez ket ac'hanon ken. — (Jules Gros, Le trésor du breton parlé Deuxième Partie, 1970, p. 19.)
   • Me a anavez trouz treid e gezeg. — (Jules Gros, Le trésor du breton parlé Deuxième Partie, 1970, p. 550.)
   • Oc'h anavezout e dad, e tilammas Gwener eus ar vag hag e redas war-zu ennañ. ABRO. p.157
3. anavezout den pe dra diouzh un dra bennak anezhañ :
   • Anavezout ul labous diouzh e bluñv, diouzh e gan.
   • Ma mamm he doa anavezet anezhañ diouzh e vouezh. — (Jules Gros, Le trésor du breton parlé Deuxième Partie, 1970, p. 19.)
   • Diouz stumm e gerzed em-oa anavezet anezañ. — (Jules Gros, Le trésor du breton parlé Deuxième Partie, 1970, p. 253.)

Adstummoù

anavout, anaout.

Deveradoù

• damanavezout

Troioù-lavar

• reiñ da anavezout

Krennlavaroù

• Pep hini a anavez doare e loen pa rank hen bevañ. TBP 3/ 125.
• Tud Bolazeg n'anavezont ket ur marc'h diouzh ur gazeg.

Troidigezhioù

• galleg : 1) connaître ^(fr) ; 2) reconnaître ^(fr)
• saozneg : know ^(en) ; recognize ^(en)