revr

Brezhoneg

Etimologiezh

→ Etimologiezh da glokaat (Ouzhpennañ)

Anv-kadarn

revr /ˈrɛwr/ gourel (liester revrioù, furm vihanaat revrig)

Revr paotr

Revr plac'h

Afrodite Kallipygos, Gwener revriet kaer, e Mirdi Broadel an Hendraouriezh, e Naplez, en Italia..

1. Lodenn eus korf an den e traoñ ar c'hein, enni teir lodenn: an div feskenn, ar ridell etreze, gant an toull-revr.

   Mar larez ur ger ken, leanez gast ha laer Ec'h aio ma botez didamant ouzh ho revr. — (Louis Eunius 571-572.)

   • Kostez !... eme al louarn pa oa aet an tenn en e revr. — (Jules Gros, Le trésor du breton parlé Troisième Partie, 1974, p. 268.)}
2. revr an traoù (listri, endalc'herioù peurliesañ)
   • Du eo revr ar gaoter.
   • Gant reor ar picher e strabouilhas an dour er feunteun, evit ma redje buanoc'h er-maez ha ma yaje bilim an touseg d'e heul. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 26.)
   • Revr ar vag a oa draihet. — (Jules Gros, Le trésor du breton parlé Deuxième Partie, 1970, p. 443.)}
3. Bezañ bouc'h e revr, pe bezañ ur bouc'hrevr: kaout diaezamant o redek pe o kerzhout zoken.

   • Hemañ a zo bouc'h e revr! — (Jules Gros, Le trésor du breton parlé Deuxième Partie, 1970, p. 443.)

4. Bezañ fri ha revr gant unan bennak : en em glevout mat-kenañ gantañ.

   Ar re-se zo fri ha revr!

5. Bezañ kenkent ha revr unan bennak.
6. Bezañ kras e revr evel un dorchenn blouz, bezañ pinvidik ha pizh (Tro-lavar implijet er gontadenn Noblañs gant Jakez Konan).
7. Bezañ krog (peg) un dra bennak e revr unan bennak: kaout c'hoant d'ober un dra bennak. Petra zo peg e-barzh revr hemañ adarre?
8. Bezañ leun e revr: bezañ mezv.
9. Bezañ paour e revr a zo kreñvoc'h eget bezañ paour hepken.
10. Bezañ poazh e revr : kaout c'hoant da fiñval, da vont da lec'h all.
11. Bezañ skuizh e revr gant un dra bennak: a zo kreñvoc'h eget bezañ skuizh hepken.
12. Diskouez e revr d'an dud
13. Kaout war e revr: tapout taolioù warnañ. Bez 'po war ho revr!
14. Kouezhañ war e revr, un dra boanius, hervez ar c'hrennlavar izeloc'h.
15. Lakaat ar fri e revr unan bennak: tro-lavar dizereat a vez implijet evit kas kuit unan bennak diwar-dro. Lakait ho fri em revr: ne ran forzh eus pezh a larit.

    Da fri em revr, penn leue. — (Louis Eunius, 807.)

16. Mont er revr, e-barzh ar revr.
17. Redek e revr: redek ar vro. Hennezh a vez ordinal o redek e revr. Ur reder-e-revr a vez atav war an hentoù.
18. Sevel ar revr: sevel.
    • Sav da reor alese, mabig, ha kerzh buan gant da hent, rak n'eo ket evidout am eus tommet va forn na poazhet va forniad! » — (Jarl Priel, Va Buhez e Rusia, Al Liamm, 1955, p. 9.)
19. skrabañ, skrapat e revr:

    • Bezañ zo tud, pa c'hallont skrapat o revr o-unan, a vez glorus. — (Jules Gros, Le trésor du breton parlé Deuxième Partie, 1970, p. 443.)

20. Tapout taolioù botoù e-barzh ar revr.
21. Tapout ur revriad aon, kaout aon.
22. Krediñ lavarout eo e revr dezhañ: krediñ kaozeal pe sevel ar vouezh.

    • Hennezh zo ken abof ken ne gred ket lavaret ez eo e revr dezhañ. — (Jules Gros, Le trésor du breton parlé Deuxième Partie, 1970, p. 443.)

23. Terriñ ar revr: skuizhañ penn unan bennak. Arabat dit dont da derriñ ma revr gant ar c'hozh ti brein-se ken!
24. Teurel ar revr war ur gador. Dibalamour a-walc'h eo lavarout Taol da revr, sevenoc'h ha dereatoc'h e vo kavet lavarout Taol da bouez.
25. torchañ ar revr
26. ma revr!
27. ma revr gant al laboused!
28. ul lamm-revr

    • Ul lamm revr a dalv nav.

29. Gant kemmadur en anv-gwan (daoust ma'z eo gourel an anv) :
    • ur revr vras, ur revr dev, revr dorret (skouerioù meneget e Yezhadur Bras ar Brezhoneg;
    • ur revr vrav,
30. Gant kemmadur er renadenn anv- : revr gaoc'h.

Gerioù heñvelster

• feskenn
• klun

• leternioù
• moñselloù

• peñs
• ters

Deveradoù

• a-revr
• bouc'hrevr
• daoubennek-daourevrek
• direvr
• direvrañ

• pastell-revr
• pennek-ha-revrek
• penndarevriñ
• revrad
• revr-bezel
• revr bervet

• revreg
• revregez
• revrek
• revretat
• revriad

• revriañ
• revrieg
• revriek
• revr-noazh
• tarrevreg
• toull-revr

Troioù-lavar

• bezañ e revr war e choug gant unan bennak:
• bezañ etre lost an diaoul ha toull e revr
• bezañ holen kras en e revr
• bezañ moan e revr
• bezañ war gab e revr
• gwerzhañ ar vi(où) e revr ar yar
• sachañ e revr gant unan bennak
• sevel e revr
• teurel e revr war ur gador : azezañ

Divinadelloù

• Petra a ra al louarn pa e-nevez kac'het war Menez-Arre ? − Serriñ e revr ha mond adarre. — (Jules Gros, Le trésor du breton parlé Troisième Partie, 1974, p. 334.)
• Pegeid a zo etre an tommder hag ar yenïon (yenijen) ? − Hed ur c'hi : ur c'hi a vez tomm e revr ha yen e fri. — (Jules Gros, Le trésor du breton parlé Troisième Partie, 1974, p. 334.)

Krennlavarioù

• An hini n'eo ket bailh en e benn a zo bailh en e revr. — (Jules Gros, Le trésor du breton parlé Troisième Partie, 1974, p. 317.)
• Arabat gwerzhañ ar vi e revr ar yar.
• Ul lamm revr a dalv nav.

Rimadelloù

• A bé sé dé,
  War ma revr am-bez.
  Warc'hoaz am-bo adarre,
  Nemed ma mestr a vankfe,
  Ne gredan ket e rafe ! — (Jules Gros, Le trésor du breton parlé Troisième Partie, 1974, p. 385.)

Gwelet ivez

• Ar pennad « revr » e-barzh Wikipedia
• Ar pennad « Venus Kallipygos » e-barzh Wikipedia