traoñ

Gwelet ivez : Traoñ

Brezhoneg

Etimologiezh

Testeniekaet en henvrezhoneg (tnou, tonou).

Meneget er C'hatolikon (tnou).

Kavet en anvioù-lec'h niverus : Kerdraoñ, Traoñ Elorn.

Da geñveriañ gant ar gerioù tyno « komm, traoñ » e kembraeg ha tnow « traoñ un traoñienn » e kerneveureg.

Deuet eus un anv-kadarn keltiek *tnāwo- a zeufe eus un henstumm *tn̥h₂-u̯o-, deveret eus un anv-gwan *tenh₂-u- « maon », miret evel tanav e brezhoneg.^[1] Gwelet ar ger-se.

Anv-kadarn

traoñ /ˈtrãw/ gourel (liester traoñioù, traoñier)

1. Rann izelañ eus un dra bennak.
   • [...] chapel Itron Varia ar re glañv, en traoñ d'ar vourc'h. — (Brogarour, Onenn, Gwengamp, 1936, p. 72.)
   • Paotred ar skol a youc'h war lein ar wrac'hell ha drammoù a ruilh d'an traoñ ; [...]. — (Jakez Riou, Geotenn ar Werc'hez ha danevelloù all, Al Liamm, 1957, p. 34.)
2. (Douaroniezh/Geografiezh) Izelenn hir, kleuzet gant ur red-dour etre div uhelenn, daou venez.
3. e traoñ un dra : ouzh troad un dra.
   • Er gêrig wenn, ’n traoñ ar menez — (Fañch an Uhel, Soniou Breiz-Izel 1, Pariz, 1890, 1971, p. 138.)
4. d'an traoñ

   diskenn d'an traoñ

   • Ar benheres, pa deûz klewet,
     Gant 'r vinz d'ann traon 'zo diskennet ; — (Fañch an Uhel, Gwerziou Breiz-Izel 2, An Oriant, 1874, p. 58.)

   dont d'an traoñ

   kas d'an traoñ

   kouezhañ d'an traoñ

   leuskel d'an traoñ

   mont d'an traoñ

   skeiñ d'an traoñ

   teurel d'an traoñ

5. war draoñ

Stummoù arall

• tnaou (stumm gwenedek)
• traou (stumm tregeriek)

Gerioù enepster

• krec'h
• lein
• nec'h

Deveradoù

• adraoñ
• ardraoñ
• diadraoñ
• ildraoñ
• kildraoñ
• traoñienn
• traoñiennad
• traoñus

Troioù-lavar

• krec'h-traoñ
• krec'h-ha-traoñ
• ouzh-traoñ
• traoñ ha krec'h

Troidigezhioù

Rann izelañ

• galleg : bas ^(fr)
• kembraeg : gwaelod ^(cy)  gourel
• kerneveureg : goles ^(kw)  gourel
• saozneg : bottom ^(en)

Traoñienn

• galleg : val ^(fr)  gourel
• kembraeg : dyffryn ^(cy)  gourel
• kerneveureg : tnow ^(kw)  gourel
• saozneg : dale ^(en) , valley ^(en)

Daveoù

Roll an daveoù :

• ^[1] : Nicholas Zair, The Reflexes of the Proto-Indo-European Laryngeals in Celtic, Leyden, Brill, 2012, p. 100.