paour

Brezhoneg

Gerdarzh

→ Etimologiezh da glokaat (Ouzhpennañ)

Anv-gwan

Derez	Furm
-plaen	paour
-uheloc'h	paouroc'h
-uhelañ	paourañ
-estlammiñ	paourat

paour /ˈpɑwʁ/, /ˈpɔwɾ/, /ˈpøːr/, /ˈpaɔːʁ/, /ˈpɔːʁ/

1. Diwar-benn un den : n'en deus ket kalz a vadoù.
   • Ur wezh e oa un intañvez kozh ha paour, [...]. — (Fañch an Uhel, Kontadennoù ar Bobl/3, Al Liamm, 1988, p. 11.)
   • — Jezuz ! Ma bugaligoù baour, yaouankik oc'h c'hoazh, [...]. — (Fañch an Uhel, Kontadennoù ar Bobl/3, Al Liamm, 1988, p. 11.)
   • — Me a zo deut, Itron, da c'houlenn ur banne soubenn 'vit ur vaouez paour a zo chomet klañv-fall 'barzh ma zi. — (Fañch an Uhel, Kontadennoù ar Bobl/3, Al Liamm, 1988, p. 29.)
   • Paour on, truilhek eo va dilhad. — (Loeiz ar Floc'h, Trubuilhou ar seiz potr yaouank, 1927, p. 24.)
   • Me n'on bet nemed paour biskoaz ha memez tra ez an a-rôg. — (Jules Gros, Le trésor du breton parlé Première Partie, 1966, p. 108.)
   • Paour on ha memeuz tra eh an a-raog. — (Jules Gros, Le trésor du breton parlé Deuxième Partie, 1970, p. 361.)
   • Biken nemed paour ne vin. — (Jules Gros, Le trésor du breton parlé Troisième Partie, 1974, p. 189.)
2. Diwar-benn un den : a zo en ur gwall bleg .
   • Ar c'hure paour ... a blije dezhañ ur bannac'hig. — (Fañch an Uhel, Kontadennoù ar Bobl/3, Al Liamm, 1988, p. 202.)
   • N'em gavet ket gwelloc'h, gwreg paour? a lar dezhi.— Nann, sur, allas! — (Fañch an Uhel, Kontadennoù ar Bobl/3, Al Liamm, 1988, p. 30.)
3. paour pe baouroc'h
4. Diwar-benn un dra: ti, dilhad, peurliesañ:
   • Yun a veve gant e vamm-gozh en un ti paour, war gorre un dorgenn dizarempred. — (Jakez Riou, Geotenn ar Werc'hez ha danevelloù all, Al Liamm, 1957, p. 31.)

Gerioù heñvelster

• diarc'hant
• dibeadra
• divadoù
• dizanvez
• paourkaezh

Gerioù enepster

• pinvidik

Gerioù kevrennek

Gant un doareer :

• paour-bras
• paour-du
• paour-glad
• paour-glan
• paour-glez
• paour-Job
• paour-kaezh
• paour-kollet
• paour-Lazar
• paour-noazh
• paour-ran
• paour-razh
• paour-ruz

Deveradoù

• paouraat
• paouradur
• paourentez
• paourentezus
• paourez
• paourkaezh

Troidigezhioù

• alamaneg : arm ^(de)
• esperanteg : malriĉa ^(eo)
• galleg : pauvre ^(fr)
• saozneg : poor ^(en)

Anv-kadarn

	unander	liester
gourel	paour /ˈpɔwr/	peorien /ˈpɛwr.jɛn/
benel	paourez /ˈpɔw.res/	paourezed /pɔw.ˈreː.zet/

paour /ˈpɑwʁ/, /ˈpɔwɾ/, /ˈpøːr/, /ˈpaɔːʁ/, /ˈpɔːʁ/ (liester : peorien, pevien)

1. Den paour.
   • Ar pinvidig na zimezo ket d'ar paour. — (Jules Gros, Le trésor du breton parlé Première Partie, 1966, p. 85.)
   • Ma 'm-bije bet roët ugent real d'eur paour ne vije ket bet greet kement a vrud din evel ma oa bet greet pa 'm-oa debret e viz da Job ar Fornier. — (Jules Gros, Le trésor du breton parlé Première Partie, 1966, p. 92.)
   • Diouz eur paour e oa greet ar gleurh-mañ : n'andur ket an druzoni. — (Jules Gros, Le trésor du breton parlé Première Partie, 1966, p. 137.)
2. hep ger-mell
   • D'ar houlz-se ne oa ger a gafe na gand pinvidig na gand paour. — (Jules Gros, Le trésor du breton parlé Deuxième Partie, 1970, p. 176.)

Gerioù enepster

• pinvidig

Krennlavarioù

• [...] ! Erru ar gont a vez, ec'h a ar paour da ouez ! [...]... — (Jarl Priel, An Dakenn dour, Sav niv. 25, Diskar-Amzer 1942, p. 11.)
• [...], rak evel ma lavare va mamm, Doue d'he fardono :
  Na war gouevr, na war aour
  War netra ne ra fae ar paour. — (Jarl Priel, An Teirgwern Pembroke, Al Liamm, 1959, p. 185.)
• Kas ar paour da baour a zo dïez. — (Jules Gros, Le trésor du breton parlé Troisième Partie, 1974, p. 313.), — (Jules Gros, Le trésor du breton parlé Deuxième Partie, 1970, p. 394.)
• Ar paour, pa binvidika,
  Gand an diaoul a ya. — (Jules Gros, Le trésor du breton parlé Deuxième Partie, 1970, p. 394.)
• Ar paour pa binvidika
  Gand an diaoul e ya. — (Jules Gros, Le trésor du breton parlé Troisième Partie, 1974, p. 314.)
• Red eo d'an eil paour sikour egile. — (Jules Gros, Le trésor du breton parlé Troisième Partie, 1974, p. 313.)

Anagramoù

• poura

Troidigezhioù

• esperanteg : malriĉulo ^(eo)
• galleg : pauvre ^(fr)
• gresianeg : φτωχοφαμελίτης ^(el) (ftokhofamelítis)
• saozneg: poor ^(en) (liester), pauper ^(en) , indigent ^(en)
• tchekeg : chudák ^(cs)