nadoz

Ur pennad eus ar Wikeriadur, ar geriadur liesyezhek frank a wirioù.

Brezhoneg

Etimologiezh

Meneget er C'hatolikon (nadoez).
Da geñveriañ gant an anvioù-kadarn nodwydd en kembraeg, naswydh en kerneveureg, ha snáthaid en iwerzhoneg.
Deuet eus ur ger keltiek *snātanto-, deveret eus *snāto- « neud ». Gwelet neud.

Anv-kadarn 1

(diwar-benn ar binvioù da labourat gant neud, gloan, hag all)

nadoz /ˈnɑːdo(s)/ benel (furm vihanaat : nadozig, liester : nadozioù)

  1. Barrennig voan, dir peurliesañ, lemm-lemm unan eus he fennoù, toullet ar penn all anezhi gant ur c'hrao da lakaat an neud da dremen
  2. (Dre astenn-ster) Benveg prenn pe askorn a dalvez da zresañ ar rouedoù pesketa
  3. Toull an nadoz : krao

Anv-kadarn 2

(diwar-benn ar binvioù all)

nadoz

  1. Barrennig dir kleuz ha lemm ar beg anezhi, e beg ur strinkell, a dalvez da ensiklañ louzoù pe da dennañ gwad
  2. Barrennig vetal voan a dalvez da ziskouez ur sifr war dremm ur benveg mentañ

Stummoù rannyezhel

  • nadoe (nadoeo) (Treger)
  • nadoez (Bro-Gwened)

Deveradoù

Gerioù kevrennek

Troioù-lavar

Krennlavarioù

  • Aesoc'h d'ur c'hañval tremen dre grao un nadoz
    Eget d'un den pinvidik mont d'ar baradoz.

Troidigezhioù