un nebeud

Brezhoneg

Etimologiezh

Eus un ha nebeud.

Troienn anv-kadarn

un nebeud

1. (ral, dirak un anv unan): ur pennad, ur pennadig amzer
   • un nebeud amzer
   • Hag ar roue koz a varvas eun nebeut goude.
2. (dirak un anv lies) : un toullad:
   • Hag e flastras un nebeud bodoù eus al louzaouenn-se, gant ur mailh, war un tamm lien hag ec'h aozas ganto ur palastr da lakaat war al lagad poazhet. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 39.)
   • Met un nebeut devezhioù goude, setu ma voemp pedet da zont a bep eil davet Wladislav Petrovitch Jdanov, al letanant-koronal a dlee reiñ d'e jubennourien, un daou-ugent bennak ac'hanomp, ur garg diouzh o galloud pe o gouizigiezh. — (Jarl Priel, Amañ hag Ahont, Al Liamm, 1957, p. 21.)
   • Pell er mor bras, war-zu ar c'huzh-heol, e oa un nebeud enezennoù bihan ha kerreg lemm o tiskouez o fennoù demzu amañ hag a-hont. — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 27.)
   • War am eus klevet e oa en em dennet un nebeud gwazed dispont en iliz ha pignet en tour, gant bep a fuzuilh, goude bezañ morailhet ha sparlet an dorioù. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 246.)
   • E vouc'hal a goueas hag a zavas eun nebeud gwechou; e zorn a oa prim ha têr evel eur c'hurun. — (Erwan ar Moal, Pipi Gonto, Kemper, 1925, p. 160.)
   • Un nebeud irc'hier leun a zilhad a vergnis warni... — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 30.)
   • A-wechoù zoken, e lec'h dont ganeomp, am c'hase gant unan eus e gerent, anvet Ismaël, hag ur sklavour morian yaouank, da dapout dezhañ un nebeud pesked evit e bred. — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 11.)
   • Neuze, o komz eus an amzer; e tistage un nebeud pozioù all ha, didrouz ha war e bouezig, e kerzhe adarre en e roud [...]. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 110.)
   • Trifina a dec’has kuit ur mintinvezh asambles gant un nebeud servijerien. — (Gabriel Morvan, Buez ar Zent, Brest, 1894, p. 751.)
   • Met deuet e oa an abardaez pa zegouezhas eno hag, a-barzh m’en devoe amzer da gaout ar voujedenn ha d’ober un nebeud troioù all e kêr, e oa diwezhat mat hag en em gavet an noz. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 48.)
   • Na hadit nemet un nebeud tachennoù
     M’ho hadit holl ’vo re vras hoc’h eostoù. Kig pe Vara ?, 1965, in Oberenn glok Anjela Duval
   • Warc’hoazh ez aio di, rak ar rouanez he deus mall da welout ar gwalennoù talvoudus a gav dezhi a zo kuzhet dindan un nebeud troatadoù douar. — (Jakez Riou, Troiou-Kamm Alanig al Louarn I, Gwalarn niv. 89, Ebrel 1936, p. 82.)
   • Herve. — Ya ! eun nebeud urziou am eus da rei d'am zud ha n'ho pezo nemet dizrei d'an ti-man ! — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 14.)
3. un tamm
   • Un nebeud oun souezhet evelato ouzh da glevet o komz eus a deir c'had... MAVR 102
4. hep ger-mell dirak un anv (ral)