toullad
Brezhoneg
Etimologiezh
- Diwar an anv-kadarn toull hag al lostger -ad.
Anv-kadarn
toullad /ˈtulːat/ gourel (furm vihanaat toulladig, liester toulladoù).
- Un niver bihan a dud pe a draoù:
- « N’ho peus nemet mont d’ar ru-man-ru, ha p’en em gavfet gant eun ti a vezo eun toullad peorien e-tal e zor, e c’hellfet lavaret : « aman eo ». — (BUAZ1912, p. 838.)
- Krog e oar da dapoud toulladou brizili. — (Jules Gros, Le trésor du breton parlé Première Partie, 1966, p. 84.)
- Dal eun toullad per : laka anezo ez krubull ma na vint ket gwelet. — (Jules Gros, Le trésor du breton parlé Deuxième Partie, 1970, p. 294.)
- Mar karez, emezon, eh ay eun toullad ganit. — Ya, med daou doullad a oa eet ganti !... — (Jules Gros, Le trésor du breton parlé Deuxième Partie, 1970, p. 530.)
- Un toullad mein-glaz a vanke dezañ da beurdeiñ (pe beurdoïn) an ti. — (Jules Gros, Le trésor du breton parlé Troisième Partie, 1974, p. 222.)
- Un toullad meskl az po? — (Jules Gros, Le trésor du breton parlé Deuxième Partie, 1970, p. 530.)
- Un toullad pennoù heiz a oa ganti en ur ridell. — (Jules Gros, Le trésor du breton parlé Deuxième Partie, 1970, p. 403.)
- Un toullad gwenneien a oa aet ganimp d'ar pardon. — (Jules Gros, Le trésor du breton parlé Deuxième Partie, 1970, p. 530.)
- Eur mevel a gasas Herri d'e gampr, a-dreuz d'eun toullad dorojoù ha salioù. — (Erwan ar Moal, Pipi Gonto, Kemper, 1925, p. 13.)
- Un niver bihan (a dud pe a draoù, hep resisaat, pa ouzer eus petra ez eus kaoz):
- Un toullad e oamp. — (Jules Gros, Le trésor du breton parlé Deuxième Partie, 1970, p. 530.)
- Pa glevjont e voe bet pedet Combes da vleniañ gouel Renan, mont a reas d'e vete un toullad Aotronez eus ar gostezenn enep na badent ket gant ar c'hoant dizaliañ ar fallakr-se da zont da Landreger. — (Jarl Priel, Va Zammig Buhez, Al Liamm, 1954, p. 56.)
- Un toullad mezh: ur c'horfad mezh.
- Biganna he devoe un toullad mezh. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 71.)
- Re da evañ:
- ober un toullad : ober un tortad.
Gerioù heñvelster
-kementad
-evañ
Deveradoù
Troioù-lavar
- un toullad brav: kalz:
- un toullad mat: kalz:
Troidigezhioù
- galleg : 1) petit nombre (fr) ; 2) biture (fr)