setu

Brezhoneg

Setu un olifant en Afrika.

Etimologiezh

Savet gant sellit ha hu, adstumm da c'hwi.

Adstummoù: sed, sede

Adverb

Setu ur gazeg hag hec'h ebeul.

setu /ˈse.tːy/

1. Dirak un anv-kadarn (boutin pe divoutin, rener pe renadenn)
   • Ha setu Bihanig hag e vreur en hent, war-du Pariz. — (Fañch an Uhel, Kontadennoù ar Bobl/3, Al Liamm, 1988, p. 13.)
   • Setu tri deiz n'am boa ket ho kwelet. — (Fañch an Uhel, Kontadennoù ar Bobl/3, Al Liamm, 1988, p. 163.)
   • Ha kerkent setu ur feunteun, ha Pêronig hag ar marc'h e-barzh evel daou ranig. — (Fañch an Uhel, Kontadennoù ar Bobl/3, Al Liamm, 1988, p. 47.)
2. dirak ur raganv :
   • setu me
   • setu te
   • setu eñ
   • setu hi
   • setu ni
   • setu c'hwi
   • setu i, setu int
3. Dirak un anv-gwan

   Setu marv ivez ma eil breur. — (Fañch an Uhel, Kontadennoù ar Bobl/1, Al Liamm, 1984, p. 213.)

4. Dirak un anv-gwan-verb
   • Setu ganet din ur mab... — (Fañch an Uhel, Kontadennoù ar Bobl/3, Al Liamm, 1988, p. 35.)
   • Setu graet ar vadeziant ... — (Fañch an Uhel, Kontadennoù ar Bobl/3, Al Liamm, 1988, p. 35.)
   • Setu tremenet ganti Pleuveur war he dipadapa, ... — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 8.)
5. Gant un adverc'h-lec'hiañ
   • setu amañ
   • setu aze
   • setu ahont
   • Dre ma n'eo ket ur ger-diskouezañ, en ur ster strizh, eo an adverb-lec'hiañ eno, ne dlejed ket kavout an droienn setu eno.
6. Gant un adverb amzeriañ (bremañ, neuze)

   • Setu bremañ ez on sur a di,— (Jules Gros, Le trésor du breton parlé Troisième Partie, 1974, p. 242.)

7. Gant ur ger goulennata (petra, piv, penaos, perak ...)
   1. setu petra
      • Setu petra zo da ober. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 49.)
   2. setu penaos
      • Setu penaos eo ar varvailherion. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 8.)
   3. setu perak
8. setu ... o ...
9. setu ma...

Doareoù-skrivañ all

• Skrivet ivez chetu (/ʃety/).

Troidigezhioù

• galleg : voici ^(fr) , voilà ^(fr)
• italianeg : ecco ^(it)
• saozneg : here is ^(en) , there is ^(en) ; here are ^(en) , there are ^(en) ;

Gwelet ivez

• sed
• sede
• sada