ober van

Brezhoneg

Etimologiezh

Savet diwar ar verb ober hag an anv-kadarn man.

Troienn verb

ober van /Distagadur ?/

1. Ober van da ober un dra bennak : ober an neuz da ober un dra bennak
   • — Kement-se na c'hall ket bezañ gwir ! a lâras ar sorserez, oc'h ober van da na c'houzout netra, eviti da c'hoût mat pep tra. — (Fañch an Uhel, Kontadennoù ar Bobl/1, Al Liamm, 1984, p. 104.)
   • Ar briñsez a anavezas anezhañ, hag ec'h eure van da vezañ klañv, [...]. — (Fañch an Uhel, Kontadennoù ar Bobl/1, Al Liamm, 1984, p. 165.)
   • — [...]. Neuze e refet van da diroc'hal ivez, met na gousket ket c'hoazh. [...]. — (Fañch an Uhel, Kontadennoù ar Bobl/1, Al Liamm, 1984, p. 179.)
   • Bihanig a rae van da debriñ ivez, [...]. — (Fañch an Uhel, Kontadennoù ar Bobl/3, Al Liamm, 1988, p. 12.)
   • Ober a rae van da vezañ en e aez hag en e vutun : [...]. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 307.)
2. na ober van, ur van, van ebet : chom hep teurel pled, chom diseblant
   • Van ebed na ra. — (Jules Gros, Le trésor du breton parlé Troisième Partie, 1974, p. 152.)
   • « Gouest pe get, 'ne ran van ! Eur wech-all e viot furoc'h hag e lezot va friko ganin ! » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 101.)
   • Kleved a-walh a reont kroz ganin-me, med ne reont ket a van. — (Jules Gros, Le trésor du breton parlé Deuxième Partie, 1970, p. 294.)
3. na ober van eus ub pe udb : chom hep teurel pled, chom diseblant :
   • ... ar gerent na reont hirio nemeur a van eus kement-se. — (PGAZ, p. 1.)
   • Labouromp gwellañ ma c’hellimp hep ober van eus an dud dibreder n’o deus ken micher nemet ka(v)out abeg e kement a ra ar re all. MAVR X.
   • Ma Doue ! pa oan yaouank, me na reen]] van euz netra. — (Jules Gros, Le trésor du breton parlé Deuxième Partie, 1970, p. 557.)
4. na ober van ouzh udb.
   • Job ne reas kristen van ebet outañ — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 20.)
5. na ober van gant udb: chom hep teurel pled, chom diseblant :
   • Ar paour-kaez roue ne ra van ebet gant ar c'homzou-se. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 41.)