goulenn un dra bennak ouzh unan bennak
Brezhoneg
Etimologiezh
Troienn verb
goulenn un dra bennak ouzh unan bennak
- goulenn un dra bennak digant unan bennak.
- ... goulennit ouzh kement paotr a dremeno : « Paotr, komer a ri ac’hanon da bried ? » ken ho po kavet unan d’ho komer. — (Fañch an Uhel, Kontadennoù ar Bobl/3, Al Liamm, 1988, p. 163.)
- It gantañ d'ar foar ha goulennet outañ ar pezh a garfet, hag e ve mil skoed, hag e vo roet deoc'h ; [...]. — (Fañch an Uhel, Kontadennoù ar Bobl/4, Al Liamm, 1989, p. 94.)
- Ur vad a c'houlennfen ouzhoc'h. — (G. MILIN, Gwechall-goz e oa..., Kemper, 1924, p. 78.)
- Satordallik ! Ha ma c'houlennfec'h ouzhin ober traoù diskiant ? — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 43.)
- goulenn ouzh ub petra, piv...
- Bemdez e c'hrosmole o c'houlenn outañ peur ez aje da gaout sant Per, ... — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 146.)
- Seven a reas d' e varc'h chom a-sav, hag heñ goulenn ouz ar baourez petra a rae d'ezi leñva. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 34.)
- [...], o c'houlenn ouzh hemañ hag ouzh henhont petra raent, [...]. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 10.)
- Hag eñ mont ha goulenn ouzh ar porzhier petra oa a nevez dre eno, ma 'z oa ken laouen an holl. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 90.)
- — « ... goulenn outañ penaos en deus gallet dougen ac'hanout betek amañ, [...]. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 140.)
- Kaset e voe da gaout an aotrou, hag hemañ a c'houlennas outañ petra a felle dezhañ da ober. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 143.)
- — E leal, eme Venedisite, ne dalv ket ar boan, Aotrou Leon, na ne oufen ket petra da c'houlenn ouzhoc'h ; [...]. — (Gab Milin, Marvailhoù Bro-Leon, Hor Yezh, 1999, p. 120.)
- goulenn ouzh ub ha...
- Ha me o c'houlenn ont-hi, ken coantic ha ma oa,
Ha me o c'houlenn ont-hi ha dimezet a oa. — (Fañch an Uhel, Soniou Breiz-Izel 2, Pariz, 1891, 1971, p. 116.) - Gwelet a ra eun den yaouank kaer, hag hep troidellat tamm, e c'houlenn outan ha map ar roue eo. — (G. MILIN, Gwechall-goz e oa..., Kemper, 1924, p. 24.)
- Goulenn a reas outañ hag ez oa gwir e kare ur verc'h yaouank. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 11.)
- Ha me o c'houlenn ont-hi, ken coantic ha ma oa,