chom a-sav
Brezhoneg
Etimologiezh
Troienn verb
chom a-sav /Distagadur ?/
- Paouez gant un ober, ur mont en-dro.
- « Chom a-sav ! chom a-sav ! lazhet eo ar soudard ganen-me » — (Lan Inizan, Emgann Kergidu 1, Brest, 1877, eil emb. Al Liamm 1977, p. 219.)
- Pa baras ar sklerijenn e diabarzh ar gwele-kloz, a-dreuz gwerzhidoù an dorioù serret, neuze e chomas a-sav, hep fiñval an disterañ. — (Jakez Riou, An Ti Satanazet, Skridoù Breizh, 1944, p. 53.)
- Seven a reas d' e varc'h chom a-sav, hag heñ goulenn ouz ar baourez petra a rae d'ezi leñva. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 34.)
- Chom a ra a-sav, e-kreiz al leur. — (Jakez Riou, Geotenn ar Werc'hez ha danevelloù all, Al Liamm, 1957, p. 34.)
- Pa chomas trumm a-sav, hag eñ gant e dorch en e zorn hag e skubellig-blu dindan e gazel, ha treiñ dre greiz-tre div renkennad skebell, war-du an tu dehou. — (Youenn Drezen, Sizhun ar Breur Arturo, Al Liamm, 1971, p. 8.)
- « Chomit a-sav, chomit a-sav enta ! » a grias-eñ da Nikolaz. — (Jakez Konan, Lannevern e kañv ha danevelloù all, Al Liamm, 1980, p. 24.)
- [...] hag e teuas ur Renault gozh, [...], da chom a-sav e-tal ar porrastell. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 11.)
- Pa welemp ur c'harr o chom a-sav war an hent e oa mat ar jeu neuze, pa save ar marc'h pe ar gazeg he lost e welemp an abon o kouezhañ war an hent oc'h ober « flok, flok flok ». — (Herve Herri, Tremenet eo an amzer-se, Embannadurioù Rioù Breizh hor Bro, An Elven, p. 22.)
- Kenkent e tostaas ur vagonig gant ur razailh euzhus ha chom a-sav a reas dirazo. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 81.)
- Chom a-sav da ober un dra bennak.
- Ar paour keaz ki! Kerkent ha m'en em gavaz ganen, e chomaz eur pennad a za da zellet ouzign. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 28.)
- — Na choumomp ket evelse a-za da huvreal, eme ar c'habiten ; baleomp e-dillo. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 288.)
- Daoust ha ma veze ruz ha bev-mat he liv, ne dlee ket he c'halon bezañ en he reizh, rak pa felle dezhi mont da di he mamm, berr e veze warni o pignal gant an diribin, ha rankout a rae chom a-sav da dennañ hec'h alan en ur stardañ he daouarn ouzh he bruched. — (Jarl Priel, Va Zammig Buhez, Al Liamm, 1954, p. 15.)
- Chom a-sav krenn.
Gerioù heñvelster
Troioù-lavar
Gwelout ivez :