zoken
Ur pennad eus ar Wikeriadur, ar geriadur liesyezhek frank a wirioù.
Taolenn |
Brezhoneg
Etimologiezh
Adverb
- Implijet e vez e dibenn ar frazenn, pe e dibenn ar stroll-gerioù.
- Diwar levezon ar galleg e vez lakaet gant tud zo dirak ar stroll-gerioù.
Distagadur
Taol-mouezh war ar silabenn ziwezhañ. E gwirionez eo taolmouezhiet reizh, peogwir eo savet gant daou c'her unsilabennek. Se zo kaoz e kav da veur a hini e tleje bezañ skrivet zo-ken, evel tad-kozh, hag evel zo-mui-ken e Geriadur brezhoneg an Here, hag evel e geriadur ar Gonideg (ma' z eo skrivet zô-kén) .
E dibenn ar stroll-gerioù
-
- Ma breur zoken.
- Peseurt bro an diaoul eo houmañ ..., na gaver enni nag ur banne gwin fall zoken, nag un diner toull? Lan Inizan, Emgann Kergidu.
- Petra eo zoken holl garantez an Aelez! Levr Bugale Mari.
- Kanañ zoken en deus graet, Frañsez Kervella, Yezhadur Bras ar Brezhoneg, p 324.
- Houmañ, ar verc'h-mañ, ne oa ket un diodez, na tost zoken. Troude ha Milin, Labous ar wirionez, Al Liamm 1950. p 112
E penn-kentañ ar stroll-gerioù
Skrivet gant F. Kervella: Pa vez o toareañ un anv evelato e c'hell a-wechoù bezañ lakaet da gentañ: "Zoken e vreur a zo deuet".
Dizemglev zo diwar-benn ar varn-se, ha kavout a ra da lod ne zleer ket ober en doare-se gwech ebet. N'eus skouer ebet eus an implij-se e Geriadur brezhoneg an Here.
Troienn deveret
- zoken ma, troienn isurzhiañ hag a vez kavet fall gant lod, ha n'he c'haver ket e Geriadur brezhoneg an Here.
Troiennoù damheñvel
- a zo kaeroc'h, zo kaeroc'h
- zomuiken, skrivet zo-mui-ken e Geriadur brezhoneg an Here.
Troidigezhioù
|
