soñjal

Brezhoneg

Etimologiezh

Diwar an anv-kadarn soñj hag al lostger -al.

Verb

soñjal /ˈsɔ̃ːʒal/ verb gwan ha verb kreñv (anv-gwan-verb : soñjet) (displegadur)

1. soñjal un dra (piv, petra, pelec'h ... )
   • Pa vezo mad an avel a du, Fanchik, n'e teus ket nemet sonjal a belec'h e tinij ar c'houez-vad !... — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 44.)
   • Herri a yeas war e lerc'h, o sonjal penôs korf ar mevel na oa ken, hep mar, en kampr ar Milouriou. — (Erwan ar Moal, Pipi Gonto, Kemper, 1925, p. 23.)
2. soñjal un dra (islavarenn)
   • Soñjal a ran ez eo brohet abalamour da ze. — (Jules Gros, Le trésor du breton parlé Deuxième Partie, 1970, p. 67.)
   • [...], ez eus tu da soñjal eo bet deuet ar c'hoari-se eus Rom da heul soudarded Kezar a yeas, niverus-bras, betek Bro-Arvorig [...]. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 34.)
3. soñjal ober un dra
   • Soñjal a raent, paotred kêr evelto, dont buan a-benn eus a goueriaded diskiant Plabenneg. — (Lan Inizan, Emgann Kergidu 1, Brest, 1877, eil emb. Al Liamm 1977, p. 194.)
   • — Me a oa o soñjal mond d'ar bourk emberr da noz. — (Jules Gros, Le trésor du breton parlé Deuxième Partie, 1970, p. 482.)
4. soñjal gant unan bennak
5. soñjal da unan bennak.
6. Soñjal en unan bennak
   • « [...], hag em eus soñjet ennoc'h, va mab, evit mont e-berr da vaner ar Gernevez da gerc'hat an Aotrou de la Marche [...]. » — (Lan Inizan, Emgann Kergidu 1, Brest, 1877, eil emb. Al Liamm 1977, p. 24.)
   • Soñjal enno hepken a ra din saouzaniñ. — (STR, p. 34.)
   • Raktal e sonj el lutun, e wad a skorn en e wazied, ne gred ket ober eur gammed pelloc'h. — (Erwan ar Moal, Pipi Gonto, Kemper, 1925, p. 60.)
   • — O mammig koz, emean, o sonjal er wrac'h, c'houi hoc'h eus grêt kement-man. [...]!... — (Erwan ar Moal, Pipi Gonto, Kemper, 1925, p. 25.)
   • — E piv edos o soñjal ? a c'houlennas ar plac'h yaouank. — (Jakez Riou, Geotenn ar Werc'hez ha danevelloù all, Al Liamm, 1957, p. 32.)
   • Soñjet on-eus alïez ennoh. — (Jules Gros, Le trésor du breton parlé Première Partie, 1966, p. 161.) — (Jules Gros, Le trésor du breton parlé Deuxième Partie, 1970, p. 482.)
   • Poan e ra d'am spered kleved kaozeal anezañ ha soñjal ennañ. — (Jules Gros, Le trésor du breton parlé Deuxième Partie, 1970, p. 422.)
   • Me am-bez poan-spered pa zonjan em mab a zo war ar mor. — (Jules Gros, Le trésor du breton parlé Deuxième Partie, 1970, p. 422.)
   • O soñjal e piou e oas ? — (Jules Gros, Le trésor du breton parlé Deuxième Partie, 1970, p. 482.)
   • 'Barzh Lom e soñjemp, hag en ur bediñ ne oamp ket evit harz da difronkal. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 39.)
7. soñjal en un dra bennak
8. soñjal ennañ e-unan
   • Arzhur, goude bezañ klevet kement-se holl, a soñjas ennañ e-unan ne oa ket gwall droug, KAB 1/27
   • — Ya, a zonje ar C'hidour ennan e-unan, n'hellan ket chom er stad-man. [...]. — (Ivon Krog, Eur Zac'had Marvailhou, Buhez Breiz, Kemper, 1924, p. 192.)
   • [...] hag e sonje ennan e-unan pegen prim ha pegen start an nevoa peget an arc'hant-ze ouz e groc'hen. — (Erwan ar Moal, Pipi Gonto, Kemper, 1925, p. 144.)

Troioù-lavar

• soñjal etre e roched hag e chouk

Krennlavaroù

• C'hwi a soñj deoc'h
  E oa ho mamm a oa tad deoc'h ?
• Disfizioud diouz souchet o soñjal e ve kousket. — (Jules Gros, Le trésor du breton parlé Troisième Partie, 1974, p. 318.)

Troidigezhioù

• alamaneg : denken ^(de)
• esperanteg : pensi ^(eo)
• estoneg : mõtlema ^(et)
• finneg : ajatella ^(fi)
• galleg : penser ^(fr) , songer ^(fr) (à)
• goteg : 𐌸𐌰𐌲𐌺𐌾𐌰𐌽 ^(*) (þagkjan)
• gresianeg : σκέφτομαι ^(el) (skéftome)
• henhebraeg : חשׁב^(*)
• hungareg : gondol ^(hu)
• ido : pensar ^(io)
• indonezeg : berpikir ^(id) , memikir ^(id) , memikirkan ^(id)
• inuktitut : ᐃᓱᒪ- ^(iu) (isuma-)
• italianeg : pensare ^(it)
• katalaneg : pensar ^(ca)
• latin : reri ^(la)  ; cogitare ^(la)  ; putare ^(la)
• nederlandeg : denken ^(nl)
• poloneg : myśleć ^(pl)
• portugaleg : pensar ^(pt)
• roumaneg : cugeta ^(ro) , gândi ^(ro)
• rusianeg : думать ^(ru)
• saozneg : to think ^(en)
• spagnoleg : pensar ^(es)
• svedeg : tänka ^(sv)
• tchekeg : myslet ^(cs) , přemýšlet ^(cs) , pomýšlet ^(cs) , uvažovat ^(cs) , hodlat ^(cs)