pilat e c'henoù

Brezhoneg

Etimologiezh

Savet diwar ar verb pilat, an anv-gwan perc'hennañ e hag an anv-kadarn genoù

Troienn verb

pilat e c'henoù /Distagadur ?/

1. Flapañ, kaozeal a-hed hag a-dreuz
   • Kaer o deveze Yann, Fañch ha Mari-strap-latenn pilat o genou, meur a hini dre amañ ne ouie ket fraezh-mat piv 'oa Renan, pe vat en devoa graet, pe betra 'oa tamallet dezhañ. — (Jarl Priel, Va Zammig Buhez, Al Liamm, 1954, p. 58.)
   • [...], rak a-drugarez Doue ne vezen ket trubuilhet goude kreisteiz gant un druilhad trutelloù na baouezent ket da bilat o genou. — (Jarl Priel, Amañ hag Ahont, Al Liamm, 1957, p. 252.)
   • Daoust ha ne oar ger war ar gudenn-se, e plij da Yann Vartolod pilat e c'henou a-zivout e donkadur. — (Jarl Priel, An Teirgwern Pembroke, Al Liamm, 1959, p. 82.)
   • Honnez a vez e-pad an deiz o pilad he genou. — (Jules Gros, Le trésor du breton parlé Deuxième Partie, 1970, p. 414.)
   • — [...]. 'Brometan ket tra, met paouezit da bilat ho kenoù amañ ha da gontañ diwar-benn kevrinoù zo. [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 238.)

Troiennoù heñvelster

• flabotal e c'henoù

Troidigezhioù

• galleg : battre de la goule ^(fr) , bavasser ^(fr) , jacasser ^(fr)