pavata

Brezhoneg

Etimologiezh

Diwar an anv-kadarn pav hag al lostger kevrennek -ata (diwar -at hag -a).

Verb

pavata /paˈvatːa/ verb kreñv eeun (anv-gwan-verb : pavataet) (displegadur)

1. Skeiñ a daolioù dorn ; flac'hata (diwar-benn an dud)
   • — Ya, ya, gwall drist eo, met deuit ennoc'h hoc’h-unan rak anez da se e vimp kavet, eme ar gelennerez McGonagall, o pavata dousik brec'h Hagrid. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 21.)
2. Tastornat ; flac'hata, palvata
   • Pavata brec'h Harry a reas an tasmant, ma kavas da Harry en devoa soubet anezhi en ur c'helorniad dour yen-skorn. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 128.)

pavata verb gwan

1. Skein al leur gant e bavioù (diwar-benn al loened)
   • Tridal a reas al loen, pavata an douar, hag ar marc'heg da dreiñ e benn tokarnet da sellout war-draoñ ouzh Ron. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 290.)
2. (Dre astenn-ster) Pilpazañ, hep mont war-raok (diwar-benn an dud)
   • Ha chao en aod, tud o rouzañ, o c'hoariellat, o pavata en dour, o klask kregin el lec'hid, gweltrez dindan ar c'herreg ; o c'hoari boulloù, o tisleviñ, oc'h enoeiñ .... — (Goulc'han Kervella, Brezel ar Rigadell, Al Liamm, 1994, p. 8.)

Deveradoù

• pavataerezh

Troidigezhioù

• galleg : donner des coups de pattes ^(fr)
• galleg : piaffer ^(fr)
• galleg : piétiner ^(fr) (bêtes)
• galleg : taper ^(fr)
• galleg : tâtonner ^(fr)