maout

Ur pennad eus ar Wikeriadur, ar geriadur liesyezhek frank a wirioù.

Brezhoneg

Etimologiezh

Testeniekaet en henvrezhoneg molt « maout spazh ».
Meneget e krennvrezheng moult, 1420, hag er C'hatolikon (mout).[1]
Da geñveriañ gant ar gerioù mollt e kembraeg, mols e kerneveureg, molt en iwerzhoneg ha molton e galianeg, dezho-holl ar ster « maout spazh » ; kar d'an amprestoù romanek evel mouton e galleg, moltó « maout spazh » e katalaneg h.a.
Deuet eus ur ger keltiek *molto-, a c'hallfe dont eus ur wrizienn indezeuropek *melh₂- « malañ », peogwir e veze pleustret ar spazhadur dre frikerezh.[2]
Gwelet malañ.

Anv-kadarn

Ur maout. (1)

maout /ˈmɔwt/ gourel (liester meot, maouted)

  1. (Loenoniezh) : Bronneg daskirier doñv, gloanek e greoñ, par an dañvadez.
  2. ar maout aour: loenn mojennel
  3. Priz gounezet en ur c'hourenadeg pe en ur genstrivadeg bennak.
    • Met gwelout a ran n'eo ket aet ar maout, ar c'hilhog em eus c'hoant lavarout, gant an hini barrekañ war ar redek. — (Brogarour, Onenn, Gwengamp, 1936, p. 32.)
  4. Den ampart.
  5. Gwaz bet touellet gant e wreg, dogan

Gerioù heñvelster

Gerioù kevrennek

Deveradoù

Troioù-lavar

Troidigezhioù

Par an dañvadez

Gwelet ivez

  • Ar pennad « maout » e-barzh Wikipedia Pennad war Wikipedia

Daveoù

Roll an daveoù :

  • [1] : Albert Deshayes, Dictionnaire étymologique du breton, Douarnenez, Le Chasse-Marée, 2003, p. 492.
  • [2] : Nicholas Zair, The Reflexes of the Proto-Indo-European Laryngeals in Celtic, Leyden, Brill, 2012, p. 245.