gouzomp

Ur pennad eus ar Wikeriadur, ar geriadur liesyezhek frank a wirioù.
Sauter à la navigation Sauter à la recherche

Brezhoneg

Nuvola apps bookcase.svg Etimologiezh

Savet diwar gouz-, unan eus pennrannoù ar verb gouzout, hag an dibenn-ger -omp

Open book 01.svg Furm verb

gouzomp /'gu:zɔ̃m(p)/

  1. Furm ar verb gouzout e kentañ gour lies an amzer-vremañ, en doare-disklêriañ
— [...]. Penaos ober lizher, pa 'z eo gwir ne ouzomp na skrivañ na lenn hini ac'hanomp hon-daou ? — (Lan Inizan, Emgann Kergidu 1, Brest, 1877, eil emb. Al Liamm 1977, p. 74.)
« [...]. Ne ouzomp ket. [...]. » — (Lan Inizan, Emgann Kergidu 1, Brest, 1877, eil emb. Al Liamm 1977, p. 114.)
— Eo, klevet a reomp eur c'hi o c'harzal, pe o iudal; ne ouzomp ket kals petra ra. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 26.)
[...] : « Gout' ouzomp, va flac'h, eme va zonton Loeiz, bet INT dija du-mañ. » — (Jarl Priel, Va Zammig Buhez, Al Liamm, 1954, p. 44.)
— Her gouzout a ouzomp ervat, a respontas ar maouezed. [...]. — (Langleiz, Romant ar Roue Arzhur/levrenn I : Marzhin, Al Liamm, 1975, p. 23.)
— [...]. N' ouzomp ket peur met dont a raimp... [...]. — (Abeozen, Pirc'hirin Kala-Goañv, Al Liamm, eil emb. 1986, p. 29.)
« [...]. Ur gwallzarvoud eo a vije kaoz eus ar marv-se, n'ouzomp tra ebet ouzhpenn. — (Yann Gerven, Brestiz o vreskenn, Al Liamm, 1986, p. 31.)
“Rak, emezo, ma'z eus iliav keit-se 'zo war an ti-forn, ne vint ket lezet keid-all, pa ouzomp pegen aes eo troc'hañ anezho.” — (Marsel Klerg, Faltazi an amzerioù kent, Mouladurioù Hor Yezh, 1999, p. 147.)
Pezh a ouzomp 'vat eo kement-mañ : [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 62.)
  • Gant ur c'hemmadur g/c'h :
Diou gristenez vad omp hon diou, me gred; neuze e c'houzomp ar bed-man ne d'eo nemed eur skeud, eur bouill moged. [...]! — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 260.)
Goasoc'h goasa ez a gan-ez. Ne c'houzomp ket betek peleac'h ez i ma vezez lezet. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 282.)
Bremañ, war ar mêz, e houzom toud drailla eun tamm galleg. — (Jules Gros, Le trésor du breton parlé Deuxième Partie, 1970, p. 143.)

Troidigezhioù