barlenn

Brezhoneg

Etimologiezh

→ Etimologiezh da glokaat (Ouzhpennañ) .

Anv-kadarn

barlenn /ˈbar.lɛn/ benel (furm vihanaat : barlennig ; liester : barlennoù)

1. (Korfadurezh) Rann eus ar c'horf a dap eus an dargreiz d'an daoulin (diwar-benn an dud zo en o choazez)
   • [...], e tistroaz truezuz varzu ar penn huela da zellet eur veach c'hoaz da viana ouc'h Anna Roue, astennet var barlenn Jannet ar Go, hag e chomaz eur pennad mantret ha dilavar : [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 76.)
   • Ia, ken nez oa ho mamm d'ar vugaligou baour, ma teuas pevar anezho d'en em deuler e barlenn ho mamm en eur vouela hag en eur grial : [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 263.)
   • [...], ha netra d'ober nemet derc'hel war he barlenn ur poupig graet gant pilhoù, ur « Mabig Jezuz » hogos ken bras ha hi. — (Jarl Priel, Va Zammig Buhez, Al Liamm, 1954, p. 24.)
   • [...] : « N'emañ ket va mamm aze ?... en anv Doue, va lakait war he barlenn, eno e fell din mervel ». — (Jarl Priel, Va Zammig Buhez, Al Liamm, 1954, p. 46.)
   • Tap ar paotr bihan war da varlenn. — (Jules Gros, Le trésor du breton parlé Deuxième Partie, 1970, p. 32.)
   • E razh a oa gantañ war e varlenn ha ne zihune ket. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 111.)
2. (Dre astenn-ster) : pastell eus ur pezh dilhad, eus ur vrozh dreist-holl, a dap eus an dargreiz d'an daoulin
   • Barlenn ma broz a zo arru fall. — (Jules Gros, Le trésor du breton parlé Deuxième Partie, 1970, p. 32.)
3. Rizenn en ur pezh mañsonerezh
   • Harpet war barlenn ar prenestr, tennañ a ra hir ar c'hrennard war e anal. — (Youenn Drezen, Sizhun ar Breur Arturo, Al Liamm, 1971, p. 14.)
   • Eno a zo lakaet ur varlenn-siminal e koad. — (Jules Gros, Le trésor du breton parlé Deuxième Partie, 1970, p. 32.)
   • Ur varlenn-buñs. — (Jules Gros, Le trésor du breton parlé Deuxième Partie, 1970, p. 32.)
   • Ur varlenn-feunteun. — (Jules Gros, Le trésor du breton parlé Deuxième Partie, 1970, p. 32.)
   • Dudley a dremenas an noz o roc'hal tra ma chomas Harry, azezet war varlenn ar prenestr, da sellout ouzh gouleier ar c'hirri o vont pe o tont er straed. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 48.)

Deveradoù

• barlennad
• barlennañ
• barlennata
• louzaouenn ar varlenn

Gerioù kevrennek

• barlennwisk

Troiennoù skeudennek

• bezañ war ar varlenn : bezañ ur bugelig c'hoazh
• bezañ war barlenn e vamm : bezañ ur bugelig c'hoazh
• deskiñ ur yezh war barlenn e vamm : adal an oad tenerañ

Troidigezhioù

• galleg : appui ^(fr) (de fenêtre) ; genoux ^(fr) , giron ^(fr)
• saozneg : lap ^(en)