-ien

Brezhoneg

Etimologiezh

Kar eo d'an dibennoù-ger -ion e kembraeg ha -yon e kerneveureg.

Dibenn-ger

-ien /jɛn/

1. Dibenn-ger a dalvez da sevel furm lies reizh anvioù-kadarn gourel 'zo a denn d'an dud.
   1. An holl anvioù-kadarn gourel a denn d'an dud savet gant al lostger « -er ».
      • « butuner » + « -ien » : « butunerien »
      • « lenner » + « -ien » : « lennerien »
   2. An holl anvioù-kadarn gourel a denn d'an dud savet gant al lostger « -our ».
      • « marc'hadour » + « -ien » : « marc'hadourien »
      • « brezelour » + « -ien » : « brezelourien »
   3. An holl anvioù-kadarn gourel a denn d'an dud savet gant al lostger « -eg » (gant fatadur ar « g »).
      • « amezeg » + « -ien » : « amezeien »
      • « genaoueg » + « -ien » : « genaoueien »
   4. An nebeud anvioù-kadarn gourel a denn d'an dud savet gant al lostger « -ig » deveret eus « -eg » evel « pinvidig ».
      • « pinvidig » + « -ien » : « pinvidien »
      • « trevidig » + « -ien » : « trevidien »
   5. Un nebeud anvioù-kadarn gourel all a denn d'an dud.
      • « amourouz » + « -ien » : « amourouzien »
      • « arval » + « -ien » : « arvalien »
      • « aotrou » + « -ien » : « aotrouien »
      • « dall » + « -ien » : « dallien »
      • « diod » + « -ien » : « diodien »
      • « glep » + « -ien » : « glepien »
      • « intañv » + « -ien » : « intañvien »
      • « mab » + « -ien » gant ur pebeiladur vogalennek : « mibien »
      • « maleüruz » + « -ien » : « maleüruzien »
      • « mevel » + « -ien » : « mevelien »
      • « mud » + « -ien » : « mudien »
      • « paour » + « -ien » gant ur pebeiladur vogalennek : « peorien »
2. Dibenn-ger a dalvez da sevel furm lies direizh un nebeud anvioù-kadarn gourel a denn d'an traoù.
   • « gwenneg » + « -ien » : « gwenneien »

Stummoù rannyezhel

• Ar stumm « -ion » a vez implijet e rannyezh Gwened hag er skridoù a zouj da reolennoù an doare-skrivañ peurunvan.