ober da unan ober un dra bennak

Brezhoneg

Etimologiezh

Diwar ar verb ober, an araogenn da, ar raganv unan, ar verb ober hag un dra bennak.

Troienn verb

ober da unan ober un dra bennak /Distagadur ?/

1. Lakaat unan bennak da ober un dra bennak
   • — Drouksperedoù oc'h esaeañ ober deoc'h treiñ diwar an hent mat, evit ho koll. — (Fañch an Uhel, Kontadennoù ar Bobl/3, Al Liamm, 1988, p. 185.)
   • An disteran tra a stok ouz an den a ra d'ezan kouezan. — (Yann-Vari Perrot, Erwan ar Moal, Bue ar Zent, Montroulez, 1912, p. 524.)
   • Neuze e c'houlennas ar maro pe, da vihanan, ar fallente, da gouean war e galon, evit ober d'ean ankôuât. — (Erwan ar Moal, Pipi Gonto, Kemper, 1925, p. 20.)
   • Seven a reas d' e varc'h chom a-sav, hag heñ goulenn ouz ar baourez petra a rae d'ezi leñva. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 34.)
   • E-keit-se, ober a raen dezhañ displegañ darvoudoù eus e vuhez krennard, komz diwar-benn tud ha traoù gwelet en e yaouankiz, [...]. — (Jarl Priel, Va Buhez e Rusia, Al Liamm, 1955, p. 16.)
   • — Gra dezhañ redek un tregont kammed, emezañ. — (Jakez Riou, Geotenn ar Werc'hez ha danevelloù all, Al Liamm, 1957, p. 20.)
   • Va zad a venne ober din studiañ al lezennoù, met n'em boa menoz-all ebet nemet mont da redek mor. — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 7.)
2. Lakaat un dra bennak da ober un dra bennak
   • Gourc'hemen a ra eta d'he bugale lakat ive o zonj gant an donedigez-man leun a spouron, evit ma teuio, da vihanan, an doujanz d'ober d'ar garante diwan en o c'hreiz. — (Yann-Vari Perrot, Erwan ar Moal, Bue ar Zent, Montroulez, 1912, p. 833.)

Gwelet ivez

• ober ober

Troidigezhioù

1. galleg : faire quelqu'un faire quelque chose ^(fr)
2. galleg : faire quelque chose faire quelque chose ^(fr)