nemeti

Brezhoneg

Etimologiezh

Diwar an araogenn nemet hag an dibenn-ger -i.

Furm araogenn

nemeti /neˈmetːi/

1. Furm an araogenn nemet, displeget en trede gour unan benel
   • Bemdez ha bemnoz, bro Plouared a dregerne gant ar son-se, ha dre ma 'z ae Loull ar Bouc'h ne gleve nemeti. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 81.)
   • Tud houma a ioa beuzet enn ho daelou ; rak n'o doa ken merc'h nemethi. — (Gabriel Morvan, Buez ar Zent, Brest, 1894, p. 478.)
   • Dre-se, adal ma voen re vras da vont davet al leanezed, den nemeti ne gelennas he faotrig kent na voe poent e gas war du kloerdi Landreger. — (Jarl Priel, Va Zammig Buhez, Al Liamm, 1954, p. 16.)
   • « N'eus nemeti a blac'h e maner Tremelven. [...] ! » — (Jakez Konan, Ur marc'hadour a Vontroulez, Al Liamm, 1981, p. 14.)
   • Peadra a-walc'h 'devoa d'ober : teurel pled d'ar bouilhennoù fank ha d'ar c'herreg du a bep kostez d'ar c'hozh gardenn na oa hent all ebet nemeti d'ar c'houlz-se. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 11.)
   • Ne oa hini ebet nemeti. — (Jules Gros, Le trésor du breton parlé Troisième Partie, 1974, p. 131.)
   • N’eus nemeti war an douar hag a c’hallfe da yac’haat, — (Fañch an Uhel, Kontadennoù ar Bobl/1, Al Liamm, 1984, p. 140.)

Troidigezhioù

• galleg : excepté elle ^(fr) , qu'elle ^(fr) , sauf elle ^(fr)

Anv-gwan

nemeti

1. N'eus hini all ebet heñvel outi (war-lerc'h un anv-kadarn strizh)
   • Dilevenez e oa e zremm ; e ziabarzh, avat, a verve ennañ buhez ar spered, an hini nemeti a dalve, hag al levenez digemmesk. — (Youenn Drezen, Sizhun ar Breur Arturo, Al Liamm, 1971, p. 37.)

Troidigezhioù

• galleg : unique ^(fr)