warlene

Brezhoneg

Etimologiezh

Savet diwar an araogenn war ha henvrezhoneg blened.

Meneget er geriadur Gregor varlene, 1732.

Da geñveriañ ouzh warlyna en kerneveureg, erllenedd, ellynedd, y llynedd (blynedd) en kembraeg.

Adverb

warlene /warˈlẽːne/

E-kerzh ar bloaz tremenet
- Warlene e oan bet gwelet n'ouzoun dare gant piou o koms gant an aotrou person. — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 16.)
- — [...]. Fabrik sant Jakez ne oas-te ket warlene ? [...] ! — (Fañch al Lae, Bilzig, Kemper, 1925, p. 136.)
- Tapet am eus pleg koulskoude warlene e-kerz an hañv da dennañ alesont ar pep gwashañ, met Doue ha me a oar pet bragoù am eus difindaonet, ha gwelloc'h eo ganin tevel war ar skrapadennoù, ar c'hignadennoù ha dreist-holl war an drein em daouarn. — (Jarl Priel, Va Zammig Buhez, Al Liamm, 1954, p. 11.)
- Warlene e oant bet amañ en tud yaouank hag er bloaz-mañ ez int bet en dimezet. — (Jules Gros, Le trésor du breton parlé Première Partie, 1966, p. 157.)
- Ya, warlene e oa bet gand an derzienn domm. — (Jules Gros, Le trésor du breton parlé Première Partie, 1966, p. 190.)
- Ar paotr 'vat en deus kresket kalz abaoe warlene. — (Jules Gros, Le trésor du breton parlé Deuxième Partie, 1970, p. 287.)
- Ar bloaz war-lerc'h e oa deuet an aotrou person en-dro gant ur menajer all rak pep hini en doa e dro evit sikour ar person : Feiz, eme ma zad-kozh, ar gwinizh am eus aze a zo diwanet diwar had bet dornet warlene d'ar sul ha setu n'am befe ket c'hoant da lakaat ac'hanoc'h d'ober ur pec'hed marvel. — (Fañch Peru, Kañfarded Milin ar Wern, Skol Vreizh, 2008, p. 62.)
- — C'hwec'h ha tregont, emezañ, en ur sellout ouzh e vamm hag e dad. Daou brof nebeutoc'h eget warlene. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 26.)

Stummoù all

arlane, arlene (stummoù gwenedek)

Gerioù kar dre o ster

hevlene

Troidigezhioù

galleg : l'an dernier ^(fr)
iwerzhoneg : anuraidh ^(ga)
kembraeg : y llynedd ^(cy)

kerneveureg : warlyna ^(kw)
saozneg : last year ^(en)

Anv-kadarn

warlene /warˈlẽːne/

Bloavezh aet hebiou
- Abaoe meur a warlene : abaoe pell amzer.

Leuskel a reas Harry da sellout ouzh ar skinwel ha reiñ a reas dezhañ un tamm gwastell chokolad : diouzh ar blaz a oa warnañ e c'halled krediñ e oa en he zi abaoe meur a warlene. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 38.)

Ar bloaz tremenet
- klask vioù e neizhioù warlene