urzh

Brezhoneg

Gerdarzh

Diwar an anv latin ordo.

Anv-kadarn

urzh /ˈyrs/ ; gourel pe benel ; liester : urzhioù, urzhoù.

1. Aotre (e brezhoneg komzet Leon ha Treger) :
   • Dizale 'ta, n'em bo urzh da lavarout ger ebet ken ganeoc'h-c'hwi, nag en ti nag er-maez ! [...] ? — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 42.)
   • « Urz a zo da vont tre ? » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 118.)
2. Gourc'hemenn:
   • reiñ un urzh.
   • sentiñ ouzh un urzh.
3. Ober tra pe dra dre urzh unan bennak:
   • ... eun eskop hag a zalc’h, dre urz hon Tad Santel ar Pab, leac’h Jesus-Christ he-unan er c’horn-man euz ar bed — (Lan Inizan, Emgann Kergidu 1, Brest, 1877, eil emb. Al Liamm 1977, p. 22.)
   • Va zri mab-me a dle beza, ho zri, oc’h ober an taol-ze ive, ha ne c’hedont nemed an urz da vont enn hent. — (Lan Inizan, Emgann Kergidu 1, Brest, 1877, eil emb. Al Liamm 1977, p. 68.)
4. Urzh relijiel: bodad menec'h a sent ouzh ar memes reolennoù:
   • Met, neuze, ez oun manac’h e gwirionez ? » « Emañ sae an urz ganeoc’h. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 256.)
5. Sakramant an Urzh: sakramant roet d'un den en iliz katolik evit belegiñ anezhañ.

Notenn

• Gallout a ra ar ger urzh degas kemmadurioù dre vlotaat war e lerc'h a-wechoù:
• an urzh vat. *:http://devri.bzh/dictionnaire/a/advleunian/.

Troioù-lavar

• den a urzh
• dont urzh
• kaout urzh
• lakaat urzh
• reiñ urzh
• war urzh

Troidigezhioù

• daneg : 1) orden ^(da)
• galleg : 1) ordre ^(fr) ; 2) autorisation ^(fr) ;
• saozneg : 1) order ^(en) ; 2) authorization ^(en) ;
• spagnoleg : 1) orden ^(es)
• svedeg : 1) orden ^(sv)