troc'hañ

Brezhoneg

Etimologiezh

Savet diwar an anv-kadarn troc'h hag al lostger -añ.

Meneget er C'hatolikon (trouchaff).

Da geñveriañ gant ar verboù trychu en kembraeg, tryghi en kerneveureg.

Verb

troc'hañ /ˈtrɔːɣã/ verb gwan (anv-gwan-verb : troc'het) (displegadur)

1. → Termenadur da glokaat (Ouzhpennañ)
   • – Lakit evezh gantañ. Ur gontell eo hag a droc'h eus an daou du. — (Goulc'han Kervella, Brezel ar Rigadell, Al Liamm, 1994, p. 99.)
   • – Tavit, komerezed, a droc'has ar bugel. — (Langleiz, Romant ar Roue Arzhur/levrenn I : Marzhin, Al Liamm, 1975, p. 22.)

troc'hañ verb kreñv eeun

1. Rannañ un dra bennak gant ur benveg lemm (ur gontell peurliesañ)
   • [...], da dud ha n'o deus ken c'hoant nemet da droc'hañ o gouzoug dezho, kentañ ma kavint o zro. — (Lan Inizan, Emgann Kergidu 1, Brest, 1877, eil emb. Al Liamm 1977, p. 33.)
   • [...] - rak, un tourc'h-paotr anezhi, plommañ, mediñ, troc'hañ lann, charreat, ha zoken ober kleuzioù, kiañ a rae a lazh-korf evel ar wazed - ... — (Jarl Priel, Va Zammig Buhez, Al Liamm, 1954, p. 19.)
   • Degaset e voe dezho dour puñs troc'het gant ur beradig gwinegr, evel ma veze graet ivez d'ar falc'herien pa vezent o troc'hañ foenn dindan an heol berv. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 25.)
   • Goude an troc'hañ bezhin. — (Jules Gros, Le trésor du breton parlé Première Partie, 1966, p. 9.)
   • Troc'h bara ha laka (led) amann warnañ. — (Jules Gros, Le trésor du breton parlé Deuxième Partie, 1970, p. 548.)
   • Poent eo dit troc'hañ da varv. — (Jules Gros, Le trésor du breton parlé Deuxième Partie, 1970, p. 548.)
   • Pegoulz ez eot da droc'hañ ho plev ? — (Jules Gros, Le trésor du breton parlé Deuxième Partie, 1970, p. 548.)
   • Ar mevel a zo o troc'hañ keuneud. — (Jules Gros, Le trésor du breton parlé Deuxième Partie, 1970, p. 548.)
   • N'ec'h eus ket gwelet troc'hañ ed gant an droc'herez ? — (Jules Gros, Le trésor du breton parlé Deuxième Partie, 1970, p. 548.)
   • Eus an troc'hañ-bezhin e reomp ar chandelour. — (Jules Gros, Le trésor du breton parlé Deuxième Partie, 1970, p. 548.)
   • Nemet, re verrik e troc'hez da vlev... — (Youenn Drezen, Sizhun ar Breur Arturo, Al Liamm, 1971, p. 60.)
   • Ret eo din mont d'ober ur c'hrogad troc'hañ raden. — (Jules Gros, Le trésor du breton parlé Deuxième Partie, 1970, p. 292.)
2. troc'hañ etre tammoù.
   • Ar vamm a reas eur wastellenn neuze hag a droc'has anezhi etre daou damm. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 182.)
3. troc'hañ udb dre an hanter, dre e hanter:
   • [...]; an tenn a strakaz, ha pec'hed Brutus a oue trouc'het dre an hanter. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 89.)
   • Eun dorz troc'het dre he hanter. — (Jules Gros, Le trésor du breton parlé Troisième Partie, 1974, p. 142.)
4. Troc'hañ gouzoug un den, penn un den outañ:
   • « Te a chomo ganin neuze. Troc'ha a rin da benn ouzit avat ma ne zeu ket da vat ganez ar pez a roin d' it da ober ! » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 183.)

Stummoù all

• trec'hiñ

Deveradoù

• troc'hadenn
• troc'her
• troc'herez
• troc'herezh
• troc'hus

Gerioù kevrennek

• dastroc'hañ
• didroc'hañ
• peurdroc'hañ
• trodroc'hañ

Troioù-lavar

• troc'hañ an akuilhetenn gant unan bennak
• troc'hañ ar blouzenn etre daou
• troc'hañ avel da unan bennak
• troc'hañ berr
• troc'hañ blaz un dra bennak
• troc'hañ gouzoug bennak
• troc'hañ e gaoz da unan bennak
• troc'hañ e gomz da unan bennak
• troc'hañ e speredenn da un den
• troc'hañ hent
• troc'hañ kaoz unan bennak
• troc'hañ kuit

Troidigezhioù

• galleg : châtrer ^(fr) , couper ^(fr) , trancher ^(fr)
• galizeg : cortar ^(gl)
• kembraeg : trychu ^(cy)
• kerneveureg : treghi ^(kw)

• saozneg : to cut ^(en)
• spagnoleg : cortar ^(es)
• nederlandeg : snijden ^(nl)

Anv-kadarn

troc'hañ /ˈtrɔːɣã/

1. Ober troc'hadennoù:
   • Goude an troc'hañ bezhin. — (Jules Gros, Le trésor du breton parlé Première Partie, 1966, p. 9.)