reiñ peoc'h
Brezhoneg
Etimologiezh
- Diwar ar verb reiñ hag an anv-kadarn peoc'h.
Troienn verb
reiñ peoc'h /Distagadur ?/
- Chom sioul:
- Ro peoc'h ! — (Jules Gros, Le trésor du breton parlé Deuxième Partie, 1970, p. 438.)
- Tevel:
- Ha koulskoude e ranken moustrañ va c'halon ha reiñ peoc'h gant aon da vezañ klevet. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 97.)
- Petra ? Peoc'h a root ? — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 41.)
- Er gwez, al laboused a roe peoc'h. — (Jakez Riou, Geotenn ar Werc'hez ha danevelloù all, Al Liamm, 1957, p. 31.)
- Ne roi ket a beoc'h ? — (Jules Gros, Le trésor du breton parlé Deuxième Partie, 1970, p. 409.)
- Ma Doue ! honnezh a zo klakenn, ne ro peoc'h ebet ! — (Jules Gros, Le trésor du breton parlé Deuxième Partie, 1970, p. 409.)
- Reiñ peoc'h da unan bennak : lezel unan bennak e peoc'h
- Ro peoc'h d'an dud. — (?, p. ?.)
- Ro peoc'h din-me. — (Jules Gros, Le trésor du breton parlé Deuxième Partie, 1970, p. 409.)
- Lan a lavar d’e vab rei peoc’h gant aon da zigeri brasoc’h gouli e kalon an tad koz. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 71.)
- Reiñ peoc'h da unan bennak gant un dra bennak : chom hep terriñ penn unan bennak gant kaoz un dra bennak
- Ro peoc'h din gant da boan-dent. — (?, p. ?.)
- [...], hag e-pad eizh deiz ne roas peoc'h ebet dezhi gant ar gaoz-se. — (Fañch an Uhel, Kontadennoù ar Bobl/3, Al Liamm, 1988, p. 25.)
- — Ya, met Fañch Buzulzo na ro peoc'h ebet din gant e varrikenn a zo aze, [...]. — (Fañch an Uhel, Kontadennoù ar Bobl/3, Al Liamm, 1988, p. 200.)