kaout aotre d'ober un dra bennak
Brezhoneg
Etimologiezh
- Savet diwar ar verb kaout, an anv-kadarn aotre, an araogenn d', ar verb ober hag un dra bennak.
Troienn verb
kaout aotre d'ober un dra bennak /ˈkaud‿ˈɔtre‿ˈdoːbɛr‿øn‿drɑː‿bɛˈnɑːk/
- → Termenadur da glokaat (Ouzhpennañ)
- [...] ha dreist-holl abalamour m'o deveze aotre da vale diarc'hen ha dre se, lañs da batouilhat er fank hep aon rak ar c'hailhar ; [...]. — (Jarl Priel, Va Zammig Buhez, Al Liamm, 1954, p. 28.)
- — M'am bije da vihanañ aotre da danañ va c'horn ! a glemme kabiten ar porzh en e goazez e-keñver din. — (Jarl Priel, An Teirgwern Pembroke, Al Liamm, 1959, p. 17.)
- Asantiñ a ris hag e laoskas, war gorn mantell ar siminal, ar mañchadig chokolad am boa aotre da zebriñ. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 247.)
- Kement den, ha goude na vefe ket o chom er barrez, en deus aotre da gaierañ e vennozhioù hag e evezhiadennoù. — (Goulc'han Kervella, Brezel ar Rigadell, Al Liamm, 1994, p. 6.)
- Ha gant an deizioù-gouel, eme Jeffig en ur glozañ ar brezegenn uhelvenoziet-se, o defe an holl Vreizhiz an aotre da ginklañ o zogoù, o c'habelloù pe o bonedoù gant ur bluenn wenn-ha-du ! — (Jakez Konan, Lannevern e kañv ha danevelloù all, Al Liamm, 1980, p. 48.)
- Kaout aotre digant unan bennak d'ober un dra bennak
- « Biken, emezañ evel o komz dezhañ e-unan, n'em bezo aotre digant an Tad-Mestr da skoulmañ ar seurt kengarantez ganeoc'h. » — (Youenn Drezen, Sizhun ar Breur Arturo, Al Liamm, 1971, p. 39.)
- En aner e oa en em chale an diaoul, koulskoude, peogwir n'en deus ket, ha n'en devo nepred, an aotre digant Doue da deurel ur sellad en tu all d'an nor teñval a stank an Dazont. — (Langleiz, Romant ar Roue Arzhur/levrenn I : Marzhin, Al Liamm, 1975, p. 17.)