golo

Brezhoneg

Etimologiezh

(Anv-kadarn) Meneget er C'hatolikon (golo).

Da geñveriañ gant ar gerioù golo e kembraeg, folach en iwerzhoneg.

(Furm verb) Savet diwar golo-, pennrann ar verb goleiñ, hep dibenn-ger.

Anv-kadarn

golo /ˈɡoː.lo/ gourel (liester goleier, goloioù)

1. Pezh a dalvez da c'holeiñ un endalc'her bennak (boest, pod...).
   • An arched a voe lamet e c'holo diwarnañ [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 22, 31.)
2. Pezh gwiad (e gloan peurliesañ) a dalvez da c'holeiñ ur gwele, da zelc'her tomm d'unan bennak.
   • Golo ar gwele.
3. Pezh karton, plastik pe baper tev a dalvez da wareziñ ul levr, ul levr-skrivañ.
   • Golo ul levr.
   • Ur mellad levr kloriet, lien ar golo, warni ur poltred livet eus ar Salver ; ennañ 766 pajenn, war baper lufrus, lenn a skeudennoù gant ar Breur Diego-Jozef hag all. — (An Oaled, niv. 35, 1931, p. 60.)
4. Bod, lec'h da guzhat.
   • Va gwreg, tud va zi ha me a ray gwellañ ma c’hellimp evit reiñ deoc’h boued da zibri ha golo da guzhat ac’hanoc’h, a-enep an dispac’herien a c’hlac’har hor bro. — (Lan Inizan, Emgann Kergidu 1, Brest, 1877, eil emb. Al Liamm 1977, p. 29, 41.)
   • — [...]. Hogen, gouzout a rit kerkouls ha me, e tifenn ar Republik rei golo d'ar veleien. [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 255.)

Stumm all

• gole

Gerioù heñvelster

(1)

• goulc'her
• goloenn

(2)

• lenn, pallenn

Deveradoù

• bara ha golo
• dic'holo
• dizoleiñ
• dizolo
• dizoloadenn

• dizoloadur
• dizoloer
• dizoloerezh
• goloadur
• goloadurezh

• goloaj
• golo-dizolo
• goloenn
• goleiñ

• goloer
• goloerezh
• golo-lizher
• golo-pod

Troidigezhioù

• galleg : (1) couvercle ^(fr)  ; (2,3) couverture ^(fr) (de lit, de livre)

• saozneg : (1) lid ^(en)  ; (2) blanket ^(en)  ; (3) cover ^(en)

Furm verb

Kemmadur	Furm
hep	golo
dre vlotaat	c'holo
dre c'hwezhañ	digemm
dre galetaat	kolo
amreizh	c'holo

golo /ˈɡoː.lo/

1. Furm ar verb goleiñ e trede gour unan an amzer-vremañ, en doare-disklêriañ.
   • Gwelet a rit amañ an Arc’hael sant Mikael.
     Armoù ur brezelour a c’holo korf an Ael. — (Frañsez-Vari Klec'h, Hunvre ann Duk a Vreiz, Iann Pevare, e-barzh Bleuniou-Breiz, Th. Clairet, Kemperle, 1862, p. 252.)
2. Furm ar verb goleiñ en eil gour unan an doare-gourc'hemenn.