war-lerc'h

Brezhoneg

Etimologiezh

Araogenn gevrennek savet diwar an araogenn eeun war hag an anv-kadarn lerc'h.

Araogenn

Gour	Furm
U1	war ma lerc'h
U2	war da lerc'h
U3g	war e lerc'h
U3b	war he lerc'h
L1	war hol lerc'h
L2	war ho lerc'h
L3	war o lerc'h
D	war al lerc'h

war-lerc'h /warˈlɛrx/

1. Bezañ war-lerc'h unan bennak : bezañ o klask unan bennak
2. Bezañ war-lerc'h unan bennak : dont da eil
   • Te n'out mann ebed amañ : te a zo warlerh Pôlig, ha Pôlig a oa an diweza 'med unan. — (Jules Gros, Le trésor du breton parlé Première Partie, 1966, p. 55.)
3. Bezañ war-lerc'h un dra bennak (pa gomzer eus un endalc'her) :
   • Ar chistr gwella eo an hini a vez bet lakeet e barrikennou warlerh eoul. — (Jules Gros, Le trésor du breton parlé Deuxième Partie, 1970, p. 149.)
4. Chom war-lerc'h unan bennak
5. Dont war-lerc'h unan bennak
6. Mont war-lerc'h unan bennak
   • An alhweziou toull n'a ket a alhweziou all war o lerh. — (Jules Gros, Le trésor du breton parlé Deuxième Partie, 1970, p. 529.)
7. Komz, lavarout un dra, ur ger, war-lerc'h un den : eilgeriañ
   • Hennezh n'hall den ebed lavared ur gér war e lerc'h. — (Jules Gros, Le trésor du breton parlé Troisième Partie, 1974, p. 265.)
   • Lavaret a rejont ho daou an ofern, an eil varlerc'h egile, evid ar re a ioa marvet ac'hanomp e Kergidu, hag evit pedi Doue da bellaat peb drouk dioc'h ar vro. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 59.)
8. klask war-lerc'h un den: klask un den (pa ouzer piv eo)
9. Redek war-lerc'h unan bennak
   • Ya ! Eñ an hini a rede war-lerc'h ur plac'h yaouank dianav, ur jenoflenn gantañ en un dorn, hag ur barzhoneg en dorn all. — (Youenn Drezen, Sizhun ar Breur Arturo, Al Liamm, 1971, p. 45.)
10. Bezañ, mont, redek, an eil war-lerc'h egile.
    • Hag hon zud fur, dindan brumenn an abardaez, an eil war-lerc’h egile, krommet, o daouarn gante en o godelloù, ac’h eas d’ar gêr, war o fouez, goustadik, damserret o daoulagad, skuizh o fenn da vezañ douget e-pad keit amzer mennozhioù ken boull ha ken goullo. — (Fañch al Lae, Bilzig, Kemper, 1925, p. 138.)

Adverb

1. bezañ war-lerc'h : dont goude.
   • Ar pep gwellañ zo war-lerc'h. — (Jules Gros, Le trésor du breton parlé Première Partie, 1966, p. 240.)
2. bezañ war-lerc'h : bezañ diwezhat, pe re ziwezhat.
   • An orolaj-mañ, m'eus aon, a zo war-lerc'h. — (Jules Gros, Le trésor du breton parlé Première Partie, 1966, p. 241.)
   • Er bloaz-mañ emañ ar goañv war-lerc'h. — (Jules Gros, Le trésor du breton parlé Première Partie, 1966, p. 241.)
3. bezañ tapet war-lerc'h :
   • If a oa tapet war-lerc'h; — (Jules Gros, Le trésor du breton parlé Première Partie, 1966, p. 240.)
4. chom war-lerc'h → Termenadur da glokaat (Ouzhpennañ)
5. dont war-lerc'h → Termenadur da glokaat (Ouzhpennañ)
6. mont war-lerc'h.

==== Deveradoù ====

• warlerc'hiad
• warlerc'hiañ
• warlerc'hel
• warlerc'hiet

==== Troioù-lavar ====

• war-lerc'h egile
• war-lerc'h eben

Krennlavaroù

• Ar c'heuz a vez war-lerc'h. — (Jules Gros, Le trésor du breton parlé Première Partie, 1966, p. 241.)
• An hini a zalc'ho an askorn
  A yelo ar c'hi war-lerc'h e zorn. — (?, p. ?.)
• Da bep sort oad
  E red ar c'hi war-lerc'h ar c'had. — (Jules Gros, Le trésor du breton parlé Troisième Partie, 1974, p. 305.)
• Diouz an abardaez heol toull
  En deiz war-lerc'h glaw (ken) a boull. — (Jules Gros, Le trésor du breton parlé Troisième Partie, 1974, p. 326.)
• Miz c'hwevrer : hanter-blouz, hanter-foenn, hanter gerc'h
  Med al lodenn vrasañ c'hoaz war-lerc'h. — (Jules Gros, Le trésor du breton parlé Troisième Partie, 1974, p. 324.)
• Pa vez aet an amann e gouzoug ar c'hi e vezer war-lerc'h. — (Jules Gros, Le trésor du breton parlé Troisième Partie, 1974, p. 305.)

Anv-gwan

1. an deiz war-lerc'h
2. an noz war-lerc'h
3. an dro, an drovezh war-lerc'h
   • Pa welje ahanon an dro war-lerh. — (Jules Gros, Le trésor du breton parlé Deuxième Partie, 1970, p. 543.)

Gwelet ivez

• diwar-lerc'h
• Araogennoù brezhonek, stag