revr
Ur pennad eus ar Wikeriadur, ar geriadur liesyezhek frank a wirioù.
Taolenn |
Brezhoneg
Etimologiezh
- → Etimologiezh da glokaat (Ouzhpennañ)
Anv-kadarn
revr /ˈrɛwr/ gourel (liester revrioù, furm vihanaat revrig)
- Lodenn eus korf an den e traoñ ar c'hein, enni teir lodenn: an div feskenn, ar ridell etreze, gant an toull-revr.
- Mar larez ur ger ken, leanez gast ha laer Ec'h aio ma botez didamant ouzh ho revr. — (Louis Eunius 571-572.)
- Pegeit zo etre an tommder hag ar yenion ? -Hed ur c'hi : ar c'hi a vez tomm e revr ha yen e fri. — (Jules Gros, Le trésor du breton parlé Troisième Partie, 1974, p. 334.)
- revr an traoù : ar foñs
- Du eo revr ar gaoter.
- Bezañ bouc'h e revr, pe bezañ ur bouc'hrevr: kaout diaezamant o redek pe o kerzhout zoken.
- Bezañ fri ha revr gant unan bennak : en em glevout mat-kenañ gantañ.
- Ar re-se zo fri ha revr!
- Bezañ moan e revr: kaout aon
- Bezañ kras e revr evel un dorchenn blouz, bezañ pinvidik ha pizh (Tro-lavar implijet er gontadenn Noblañs gant Jakez Konan).
- Bezañ krog (peg) un dra bennak e revr unan bennak: kaout c'hoant d'ober un dra bennak. Petra zo peg e-barzh revr hemañ adarre?
- Bezañ leun e revr: bezañ mezv.
- Bezañ paour e revr a zo kreñvoc'h eget bezañ paour hepken.
- Bezañ poazh e revr, pe Bezañ holen kras en e revr: kaout c'hoant da fiñval, da vont da lec'h all.
- Bezañ skuizh e revr gant un dra bennak: a zo kreñvoc'h eget bezañ skuizh hepken.
- Bezañ war gab e revr: bezañ azezet, pa gomzer eus loened zo (ki, kazh, louarn, bleiz).
- Kaout war e revr: tapout taolioù warnañ. Bez 'po war ho revr!
- Kouezhañ war e revr, un dra boanius, hervez ar c'hrennlavar izeloc'h.
- Lakaat ar fri e revr unan bennak: tro-lavar dizereat a vez implijet evit kas kuit unan bennak diwar-dro. Lakait ho fri em revr: ne ran forzh eus pezh a larit.
- Da fri em revr, penn leue. — (Louis Eunius, 807.)
- Redek e revr: redek ar vro. Hennezh a vez ordinal o redek e revr. Ur reder-e-revr a vez atav war an hentoù.
- Sachañ ar revr: mont kuit; implijet evel-hen: "Sach da revr ganit!"
- Sevel ar revr: sevel. Sav da revr alese!
- Tapout taolioù botoù e-barzh ar revr.
- Tapout ur revriad aon, kaout aon.
- Krediñ lavarout eo e revr dezhañ: krediñ kaozeal pe sevel ar vouezh.
- Terriñ ar revr: skuizhañ penn unan bennak. Arabat dit dont da derriñ ma revr gant ar c'hozh ti brein-se ken!
- Teurel ar revr war ur gador. Dibalamour a-walc'h eo lavarout Taol da revr, sevenoc'h ha dereatoc'h e vo kavet lavarout Taol da bouez.
- ma revr!
- ma revr gant al laboused!
Deveradoù
Gerioù kar dre o ster
Troioù-lavar
Krennlavarioù
- Arabat gwerzhañ ar vi e revr ar yar.
- Ul lamm revr a dalv nav.
Gwelet ivez
- Ar pennad « revr » e-barzh Wikipedia
- Ar pennad « Venus Kallipygos » e-barzh Wikipedia
